Digital Almaty-2021 halyqaralyq forýmynyń kún tártibinde pandemııa kezinde paıda bolǵan jańa syn-tegeýrinder men sıfrlyq bastamalar qaraldy. Almaty qalasynyń Sıfrlandyrý basqarmasy ótken jyly koronavırýstyq ınfeksııaǵa qarsy áreket etý úshin 15 jobany iske asyrǵan bolatyn, onyń ekeýi osy jyly 5 aqpanda ótken forýmda tanystyryldy.
Usynylǵan jobalar onokologııalyq aýrýlar men ıshemııalyq ınsýltty aldyn ala dıagnostıkalaý sekildi kúrdeli baǵyttardaǵy tar sheńberli dáriger mamandarynyń tájirıbelik qyzmetinde jasandy ıntellekttiń qoldanysyn kózdeıdi.
«Forus Data» kompanııasy PACS – radıologııalyq túsirilimderdiń ortalyqtandyrylǵan medısınalyq arhıvin jasaýǵa baǵyttalǵan. Almaty – osy bastamany birinshi bolyp qoldaǵan óńir, qazirgi tańda osy júıemen Qazaqstannyń túrli qalalary, atap aıtqanda Nur-Sultan, Taldyqorǵan, Taraz, Kókshetaý, О́skemen, Atyraý, Pavlodardyń 64 aýrýhanasy jumys jasaıdy. Qondyrylǵan jasandy ıntellekttiń arqasynda dáriger shuǵyl qorytyndy jasap, ári qaraı emdeýdi asa qajetsinetin pasıentterdiń túsirilimderin taldaý múmkindigine ıe.
Jasandy ıntellekttiń kómegimen kúrdeli aýytqýlar anyqtalǵan túsirilimderge avtomatty túrde joǵary qyzyl belgi qoıylady. Kelesi kezek aýytqýlary az jáne aýytqýlary joq túsirilimderge beriledi.
Jasandy ıntellektpen óńdelgen túsirilim salystyrý úshin tikeleı túpnusqa sýretimen birge saqtalady. О́ńdeýdiń nátıjesinde tabylǵan aýytqýlardyń jylý kartasy men sımptomdardyń tizimi jasalady. Servıs ókpe aýrýlarynyń, onyń ishinde pnevmonııa, týberkýlez, isinýdiń (onkologııa) eń jıi kezdesetin 14 belgisin anyqtaýǵa qabiletti. Nátıjeleri avtomatty túrde dárigerdiń qatysýynsyz óńdelip, saqtalady.
Jasandy ıntellekttiń kómegimen taldaý jasaý aýytqýlary bar pasıentke sol túsirilim jasalǵan kúni dıagnostıka jasaýǵa múmkindik beredi. Osy servıs túri bolmaǵan kezderi pasıentter nátıjelerin 3-ten 14 kúnge deıin kútetin. Qazir PACS 84% dıagnostıka jasaý dáldigimen kúnine 300-ge jýyq rentgen túsirilimderin óńdeıdi.Almaty jasandy ıntellekt zerthanasy» ıshemııalyq ınsýltti erte anyqtaý úshin CEREBRA jobasynda jasandy ıntellektti paıdalanady.
Insýltti medıkamentozdy emdeýdiń terapevttik ýaqyty 4,5 saǵatty quraıdy, osy ýaqyt aralyǵynda dıagnozdy durys qoıyp, emdeý túrin tańdaý qajet. Terapevttik taldaý ýaqyty sheńberinde bas mıynyń zaqymdaný dárejesin anyqtap úlgerý múmkin bolsa, der kezinde emdi bastap, mıdyń isten shyǵýynyń aldyn alýǵa bolady. Kóbinese ınsýlttiń damý satysyn anyqtaý úshin kopıýterlik tomografııa túsirilimderindegi surǵylt tonnan adam kóziniń ereksheligine baılanysty ondaǵy aıyrmashylyqty anyqtaý múmkin bolmaıdy, al jasandy ıntellekt ony 10 mınýtta jasaı alady.
Ishemııalyq ınsýltti anyqtaý úshin jasandy ıntellekttiń algorıtmi eń kúrdeli bolyp esepteletinin atap ótken jón, óıtkeni anyqtaýdyń joǵary dárejesine jetken kompanııalar álemde kóp emes.
Almaty qalasynyń 7-shi qalalyq klınıkalyq aýrýhanasynyń bas dárigeri Manas Ramazanov atap ótkendeı: «Aýdandyq aýrýhana dárigeriniń onkologııanyń nemese ıshemııalyq ınsýlttiń bastapqy satysyn anyqtaýǵa jetkilikti saraptamalyq qabileti nemese tájirıbesi bolmaýy múmkin, al sıfrlyq tehnologııalar birden durys dıagnoz qoıyp, pasentti mamandandyrylǵan medısınalyq mekemege shuǵyl jetkizý sheshimin qabyldaýǵa kómektesedi. Sondyqtan tar sheńberli bilikti mamandardyń barlyq pasıentterge turatyn jerine qaramastyn kómek kórsetýin qamtamasyz etý úshin barlyq Qazaqstan boıynsha jasandy ıntellektti qoldanatyn jobalardyń aýqymyn keńeıtý óte mańyzdy».