Shymkent qalasy Qarataý aýdanynyń ákimi Abzal Áliqulov 2020 jyldyń qorytyndysy boıynsha halyqqa esep berý kezdesýi ótti. Onlaın formattaǵy esepti jıynǵa qatysqan qala ákimi Murat Áıtenov te qatysty.
Qarataý aýdanynda 24 eldi meken bar. Qala aýmaǵyna jańadan qosylǵan eldi mekenderdegi basty másele - ınfraqurylym júıesi. О́tken jyly aýdandy aýyzsýmen qamtýda «Turan» shaǵyn aýdanynda (magıstraldy) eki nıtkaly sýaqqy qurylysy júrgizilse, «Tassaı» turǵyn alaby, «Dostyq», Azat jáne О́temis shaǵyn aýdanynda qurylys aıaqtalyp, qazirgi tańda sý eseptegish quraldary ornatylyp otyr.
2021 jylǵa ótpeli bolǵan Asar-2 shaǵyn aýdany men Dostyq turǵyn alabynyń ishki oramdyq júıeleriniń qurylysy jyl sońynda aıaqtalady. Aýdan aýyz sýmen qamtýdy qajet etetin Asar-2(2 kezeń), Bozaryq saıajaıy, Qaınarbulaq, Isfıdjab, Saıram, Qyzylsý turǵyn alaptarynyń jańaqurylys aýmaqtary. «Shymkent qalasyn damytýdyń 2020-2023 jyldarǵa arnalǵan is-shara josparyna» engizildi. Osy eldi mekender aýyzsýmen qamtylsa, aýdandaǵa kórsetkish 83,5% -ǵa jetedi.
Qarataý aýdanynda 47 202 turǵyn úı qonystanǵan bolsa, onyń 37 169 úı, ıaǵnı (78,8%) memlekettik, 10 033 úı (21,2%) jeke menshiktegi elektr transformatorlardan jaryq alady. О́tken jyly Dostyq, Asar-2, Tassaı jáne Azat, Qaıtpas shaǵyn aýdandaryna elekter jelilerin tartý jumysy atqarylǵan.
2021 jyly Asar-2 (2 kezeń), Bozaryq-2 shaǵynaýdany men Dostyq turǵyn alabyn sapaly elektr jaryǵymen qamtý maqsatynda JSQ ázirlengen. Al, Qaınarbulaq turǵyn alabyn sapaly elektr jaryǵymen qamtý jobasy 2021 jyldyń bıýdjetine usynyldy. Turan shaǵyn aýdany (magıstralka 10 kV) qurylysy 2020 jyly bastalyp, qazirde jumys jalǵasyp keledi.
Aýdanda ótken jyly Turan shaǵyn aýdanynda tabıǵı gazben qamtý boıynsha magıstraldy júıeniń 1-kezeńiniń qurylysy júrgizilgen. Osy jyly «Qaınarbulaq» turǵyn alabyna magıstraldy gaz qubyry tartylsa, Dostyq, Asar-2, Azat shaǵyn aýdanynda ishki oramdyq júıelerdiń qurylysy jalǵasady. Atalǵan jumys aıaqtalsa aýdanda tabıǵı gazben qamtylý kórsetkishi - 85 % -ǵa jetedi.
Foto: Bereke Seıitjappar