Áleýmettik jobalardy júzege asyrý, halyqqa qoldaý, aýdandy abattandyrýǵa baılanysty qoıylǵan suraqtarǵa Jetisý aýdanynyń ákimi Gúlnar Kókebaeva esep berý kezdesýinde jaýap berdi.
Búginde Jetisý aýdanynda kópbalaly otbasylardan shyqqan balalardy jáne áleýmettik osal toptartardy qoldaý maqsatynda «Shyńǵa órleý», «Dombyra mektebi» jáne basqa da áleýmettik klýbtar bar.
Aýdannyń bes jerinde 7-12 jas aralyǵyndaǵy balalarǵa arnalǵan tegin fýtbol jáne voleıbol seksııalary ashyldy. Seksııalarǵa aýdannyń 300 astam balalaryn qamtylǵan.
Aýdanda Taıland tájirıbesimen sporttyń 10 túri boıynsha «Aınabulaq jekpe-jek ortalyǵy» alǵashqy jattyǵý ortalyǵy salyndy. Onda kelýshiler 400 adamǵa jetti.
Qoljetimdi sportty damytý máselesi osy jyly Qulager, Aınabulaq jáne Kemel shaǵyn aýdandarynda jańa 3 sport keshenin ashý esebinen sheshiletin bolady. Qurylys jumystary aǵymdaǵy jyldyń sońyna deıin aıaqtalady.
Sonymen qatar, jasóspirimder sportyn qoldaý úshin birinshi jartyjyldyqta Qulager, Kókjıek jáne Kókmaısa shaǵyn aýdandarynda ashyq dalada ornalasqan 3 jekpe-jek ortalyǵy paıdalanýǵa beriledi. Kókmaısa shaǵyn aýdanynda balalar shyǵarmashylyǵynyń ortalyǵyn ashý josparlanyp otyr, onda balalarǵa arnalǵan tegin jáne zeınetkerlerdiń bos ýaqytyn ótkizýge arnalǵan úıirmeler bolady.
Kezdesý barysynda ákim jumyspen qamtý máselesi kásipkerlik sektordy damytý esebinen sheshiletinin atap ótti. «Rahat kz», «Alataý» bazarlaryn jańǵyrtý jáne «Keremet» saýda úıin salý aıasynda 1250 jumys ornyn qurý josparlanýda. Bıyl «Vıraj» avtosalonynyń qurylysy aıaqtalǵan soń 150 jumys orny ashylady.
Gúlnár Kókebaeva óz sózinde atap ótkendeı, Jetisý aýdanynyń turǵyndaryn áleýmettik sala máseleleri tolǵandyrady. Oqýshy oryndarynyń jetispeýshiligin sheshý úshin aýdanda jumys istep turǵan mektepterge japsarjaı qurylysy, bilim berý mekemelerine kúrdeli jóndeý júrgizilýde.
Osylaısha, bıylǵy jyly №57, 102, 177 mektepterde 1050 jańa oqýshy ornyna arnalǵan qosymsha qurylys jumystary aıaqtalady. Sonymen qatar, 850 oqýshyǵa arnalǵan №112, 148, 103 mektepterge qosymsha taǵy úsh japsarlas qurylys bastalady.
«Bizdiń aýdanymyz da jańa balabaqshalardy ashýǵa úlken qajettilikti sezinýde, óıtkeni adamdar jyl saıyn balabaqshaǵa balalardy berý úshin kezekte turady. Bul máseleni biz sondaı-aq bizdiń aýdanda birneshe qaraýsyz qalǵan balabaqsha ǵımarattaryn jóndeý arqyly sheshetin bolamyz. Osy jyly biz Aınabulaq-4 shaǵyn aýdanynda 160 oryndyq jańa balabaqsha salýdy bastaımyz», - dep atap ótken aýdan basshysy sonymen birge turǵyn úı jáne ózge salalar týraly baıandady.