Almatyda 2020 jyly Qoǵamdyq densaýlyq saqtaý basqarmasynyń aqparaty boıynsha 42019 bala dúnıege kelgen. Naqty aıtqanda, qalalyq №2 perzenthanada 5,5 myńǵa jýyq bala, 2937 ul jáne 2750 qyz bala týǵan.
900-ge jýyq náreste hırýrgııalyq aralasý arqyly kesar tiligimen paıda boldy. Perzenthananyń bas dárigeri Gúlnár Nurlanova atap ótkendeı, ýaqytynan buryn bosanýǵa jatyrdaǵy tyrtyq, uryqtyń jambaspen kelýi, uryqtyń qaýipti jaǵdaıy, t.b. jaǵdaılar sebep bolady.
О́tken jyly aýyr dárejeli preeklampsııasy bar 10 áıel bosandy. Statıstıkaǵa sáıkes, bul patologııa ana óliminiń basty sebepteriniń biri bolyp tabylady. Barlyq 10 áıel sátti bosandy.
Esterińizge sala keteıik, №2 qalalyq perzenthana 132 tósektik qýaty bar qaladaǵy eń kóne bosandyrý mekemesi bolyp tabylady. Perzenthananyń jabdyqtalýy shamamen 100% quraıdy.
О́tken jyldyń ózinde 265 birlik zamanaýı medısınalyq jabdyqtar, onyń 204-i jergilikti bıýdjet esebinen, qalǵany perzenthana esebinen satyp alynǵan. Al medısınalyq kómek joǵary biliktiligi bar medısına qyzmetkerler tarapynan kórsetiledi.