Qurlyqtyq hokkeı lıgasynda (QHL) baq synaıtyn elordanyń «Barys» klýby turaqty birinshiliktiń kezekti týr oıynyn syrt aıdynda ótkizip, Novosıbırskiniń «Sıbır» ujymynan basym tústi.
Bul týrda jerlesterimiz tek jeńiske jetip qana qomaı, merziminen buryn QHL-diń pleı-off kezeńiniń joldamasyn ıelendi. Al óz alańynda upaı joǵaltqan «Sıbır» bıylǵy pleı-off kezeńinen tys qaldy. Kezdesýdi muzaıdyn ıeleri óte tamasha bastady. О́ıtkeni olarǵa jeńis aýadaı qajet edi. Birinshi kezeńniń orta tusynan aýǵanda Iýrkı Iokıpakka (15-mınýt) komandasyn esepte alǵa shyǵarsa, ekinshi kezeńde Vıktor Komarov (24-mınýt) tablodaǵy kórsetkishti 2:0-ge jetkizdi. Alaıda bul shaıbaǵa jerlesterimiz jyldam jaýap berdi. 25-mınýtta Djessı Blekerden tamasha pas alǵan 19 jastaǵy shabýylshy Maksım Mýsorov esep aıyrmasyn qysqartty.
Úshinshi kezeńde de oıyn tizginin óz qoldaryna alǵan Iýrıı Mıhaılıstiń shákirtteri aınaldyrǵan eki mınýtta eki shaıba soǵyp, qarsylas komandadan jeńisti julyp aldy. Alǵash 47-mınýtta Kırıll Panıýkov tarazy basyn teńestirse, 48-mınýtta Djessı Bleker matchtyń núktesin qoıdy. Qorytyndy esep – 3:2. «Barystyń» paıdasyna. Osylaısha «Shyǵys» konferensııasynda 55 oıynnan keıin 62 upaı jınaǵan jerlesterimiz merziminen buryn pleı-off kezeńiniń taǵdyryn sheship qoıdy.