Qashyqtan oqý kúndelikti ómirimizge ózgerister ákeldi. Ár bilim alýshy osy jolda izdenister men synaqtardan ótti. Stýdentter men magıstranttardyń qashyqtan bilim alýdaǵy oılary men daǵdylaryn bólisý úshin «Onlaın kreatıv: bastysy mańyzdy» halyqaralyq stýdenttik jýrnalıstik materıaldar baıqaýy máresine jetip, úzdik jumystar marapattaldy, dep habarlaıdy Egemen.kz
Baıqaýǵa Ál-Farabı atyndaǵy Qazaq ulttyq ýnıversıteti Jýrnalıstıka fakýlteti Baspasóz jəne elektrondy BAQ kafedrasynyń qazaq, orys jáne aǵylshyn bólimderi, sondaı-aq Vetnam, Qytaı, Aýǵanstan, Reseı, Qyrǵyzstan elderiniń jýrnalıstıka baǵdarlamasynyń stýdentteri men magıstranttary qatysty.
Úzdik jumystardyń toptamasy jınaq retinde baspaǵa usynyldy. Júldeli I oryn ıegerleri bolyp Marııa Lavrısheva, Marııa Matrýnına, «Jas tolqyn» toby tanylsa, II oryn Shı Chensıao, Ahýnbaı Aıǵanym, Szıao Hýnıýn Bekbergen Ámirjan, Vıktorııa Chevgan, Ásel Aýkesheva esimdi belsendi stýdentterimizge buıyrdy. Murat Qymbat, Aqnıet Qajymurat, Berbaeva Aıgelııa, Fan Ngok Maı, Anastasııa Kshnıakına Kamılıa Sadykova, Snejana Tolkacheva, Dılıara Iаhıarova, Ásem Agybaeva júldeli III oryn satysynan kórindi. Baıqaýda úzdik jumystarymen tanylǵan Meırbek Baıan, Aýǵalı Mereı, Muqanǵalı Aqerke, Toqan Madııar, Tileýqabyl Aıaýlym, Kýshalıeva Tamırıs, Ámirov Aqjol, Chjan Sıan, Aneljan Kórikbaı yntalandyrý ıegerleri atandy.
Jeńimpazdar baıqaýdan alǵan áserlerimen bólisti. Solardyń biri, Vetnam elinen qatysýshy stýdent – Fan Ngok Maı «Baıqaý maǵan ýnıversıtettegi birinshi kýrstyń alǵashqy semestrin oısha tarazylaýyma, qashyqtyqtan bilim alýdyń ne ekenin túsinýge múmkindik berdi. Jýrnalıstik materıaldar saıysy meni jańalyqtarǵa kóbirek qyzyǵýǵa, ýaqyt beldeýlerinen shyǵýǵa, epıdemııany jeńýge, jýrnalıstıkadaǵy shyǵarmashylyqtyń básekelestigin sezinýge múmkindik berdi» degen oıymen bólisse, qytaılyq Szıao Hýnıýnnyń aıtýynsha jýrnalıstik materıaldardyń baıqaýy oqshaýlanǵan kezde naqty nemen aınalysýǵa múmkindik berdi.
Bilimdi alýdan basqa, eń mańyzdysy, otbasymen ótkizetin ýaqyty mol bolǵan. Baıqaýda reseılik stýdentter de baǵyn synady. Solardyń biri Altaı memlekettik ýnıversıteti jýrnalıstıka fakýltetiniń 2-kýrs stýdenti, III oryn ıegeri Nastıa Kshnıakına: «Sońǵy kezde túrli baıqaýlarǵa qatysý stýdenttik ómirdiń ajyramas bóligine aınaldy. Men baıqaý týraly aıaqtalýyna jaqyn qalǵan sátte bildim. Aıtar oıymdy tez jınap, qashyqtan oqý týraly óz oıymdy ortaǵa saldym. Meniń oıymsha, bul jas jýrnalısterge alǵashqy eńbekterin jazýǵa jol ashty, tanymal bolýdyń baspaldaǵy ispetti. Eń bastysy, ıdeıa bolsa» degen oıyn ortaǵa saldy.
Altaı ýnıversıtetiniń stýdenti Marııa Lavrısheva óziniń pandemııa jaǵdaıyndaǵy bilim alý praktıkasyn bólisti.
«Men ol kezde Máýskeýde dosymmen birge bilim berý saıtynda redaktor edim. Biz de basqa ýnıversıetter sııaqty qashyqtan oqýǵa kóshtik. Alǵashynda biz qashyqtan oqýdy túsine qoımadyq. Tobymyzda qashyqtan oqýdy qoldaǵandar da, qarsylyq tanytqandar da boldy. Degenmen, biz qandaı jaǵdaıda bolmasyn oqýdyń qajetigin túsindik», dedi óz sózinde. Al J.Balasaǵyn atyndaǵy Qyrǵyz memlekettik ýnıversıtetin jýrnalıstıka fakýltetiniń 1-kýrs stýdenti Berbaeva Aıgelııa: «On aı qashyqtan oqý kezinde kúnde aldyma maqsat qoıdym. Onsyz meniń bilimge degen qushtarlyǵym joǵalar edi. Tańerteń jolǵa ketetin ýaqyttyń ornyna sportpen aınalysýǵa, kitap oqýǵa, shet tilin úırenýge ýaqyt taptym. Biz ómirdegi eń basty sabaqty – densaýlyq sabaǵyn úırendik», dep atap ótti.