Shymkent qalasynda 32 memlekettik jáne 76 jekemenshik medısınalyq uıym aqparattyq júıelerge qosylyp, jańa tehnologııalar boıynsha jumys júrgizýde. Medısınalyq uıymdarda 30 IT-maman qyzmet etedi, dep habarlaıdy Egemen.kz
Medısınalyq uıymdar ınternet jelisimen 100 % qamtylǵan jáne kompıýterlik tehnıkamen jabdyqtalýy – 75 %. Medısınalyq mekemelerdi sıfrlandyrý jobasy aıasynda barlyq emhanalarda árbir dáriger bólmesinde QR-kod ilindi. Bul arqyly ár dárigerdiń jumysyn baǵalaýǵa bolady.
Alǵash ret Respýblıka boıynsha Shymkent qalasynda ár emhanada aqparattyq-sıtýasııalyq ortalyq ashyldy. Bul rette «Júkti áıelderdi monıtorıngileý», «Náresteler patronajy», «Sozylmaly aýrýlar monıtorıngi» atty baǵdarlamalar ornatylyp, nátıjesinde medısınalyq kómektiń sapasy artyp otyr.
Qala boıynsha bastapqy medısınalyq sanıtarlyq jáne stasıonarlyq kómek kórsetetin medısınalyq uıymdar «DamýMed» medısınalyq aqparattyq júıesimen («SIT Damý» JShS) jumys júrgizýde. Jedel járdem qyzmeti «Armakom» medısınalyq aqparattyq júıesine qosylǵan. Shaharda mobıldik qosymshany paıdalanýshylar – 201 780 adam. Elektrondyq densaýlyq pasporttary 1052849 pasıentke toltyrylǵan. Bul – qala halqynyń 97,8 %-y.
Emhanalarda «DamýMed» qosymshasy arqyly dáriger qabyldaýyna jazylýǵa bolady. Bul óz kezeginde azamattardyń jeke ýaqytyn únemdeıdi. Jalpy mobıldik qosymsha arqyly 322 304 adam qabyldaýǵa jazylyp, 10 994 dáriger úıge shaqyrtylǵan. Shymkent qalalyq densaýlyq saqtaý júıesin sıfrlandyrý natıjesinde birqatar jetistikke qol jetkizý josparlanýda. Atap aıtqanda, shaharda emhanada dárigerdiń qabyldaýyna jazylý kezegi 9-dan 2 adamǵa deıin, kezekterdi 30 mınýttan 15 mınýtqa deıin, zertteý nátıjelerin alý ýaqytyn 2 esege qysqartý (5 saǵattan 2 saǵatqa deıin), dárigerge qabyldaý ýaqytyn 50%-ǵa tómendetý (20 mınýttan 10 mınýtqa deıin), úıden shyqpastan synaq nátıjelerin, keńesterdi jáne reseptterdi alý jáne jeke densaýlyq týraly barlyq aqparat onlaın rejıminde qol jetimdi etý baǵytynda jumystar atqarylýda.