Úkimet otyrysynda Qarjy mınıstri Erulan Jamaýbaev memlekettik kiris organdary qyzmetkerlerine shen berilip, bazalyq jalaqysyna qosymsha ústeme qosylyp, biryńǵaı formalyq kıindirý engiziletinin málimdedi, dep habarlaıdy Egemen.kz
«Sybaılas jemqorlyqqa qarsy is-qımyl agenttigi men «Adaldyq Alańy» jobalyq keńsesi atap ótkendeı, memlekettik kiris organdarynyń qyzmetketkerleri jalaqysynyń tómendigi, áleýmettik qorǵalmaǵany men qyzmetiniń jaýapkershiligi joǵary bolýyna baılanysty jemqorlyq táýekeline tap bolyp otyr», dedi Jamaýbaev.
Erulan Jamaýbaevtyń aıtýynsha, mundaı jaǵdaı bilimi men mol tájirıbesi bar qyzmetkerlerdiń jekemenshik sektorǵa ketýine ákep soǵady. «Osyǵan baılanysty olardyń bazalyq jalaqysyna ústeme qosyp, biryńǵaı formalyq kıim men klasstyq shen engizý usynylýda. Bul shara bilikti kadrlardy saqtap, jemqorlyq deńgeıin tómendetýge, sondaı-aq memlekettik kiris organdarynyń mártebesin kóterýge septigin tıgizedi», dep atap ótti ol.