Prezıdent janyndaǵy Ortalyq kommýnıkasııalar qyzmetinde ótkizilip kele jatqan dástúrli brıfıngtiń bul jolǵy qonaǵy Ulttyq bank tóraǵasy Qaırat Kelimbetov boldy. Ol óz kezeginde elimizdegi qarjy naryǵyndaǵy jaǵdaı jóninde áńgimeledi.
– Respýblıkamyzdaǵy valıýta naryǵyndaǵy jaǵdaı turaqty. Ulttyq valıýtaǵa áser etetin eshqandaı jaıt oryn alǵan joq. Elimizdegi baǵa turaqtylyǵyn qamtamasyz etý – Ulttyq bank úshin basty mindet.
Prezıdent janyndaǵy Ortalyq kommýnıkasııalar qyzmetinde ótkizilip kele jatqan dástúrli brıfıngtiń bul jolǵy qonaǵy Ulttyq bank tóraǵasy Qaırat Kelimbetov boldy. Ol óz kezeginde elimizdegi qarjy naryǵyndaǵy jaǵdaı jóninde áńgimeledi.
– Respýblıkamyzdaǵy valıýta naryǵyndaǵy jaǵdaı turaqty. Ulttyq valıýtaǵa áser etetin eshqandaı jaıt oryn alǵan joq. Elimizdegi baǵa turaqtylyǵyn qamtamasyz etý – Ulttyq bank úshin basty mindet. О́zderińizge belgili, aǵymdaǵy jyldyń aıaǵyna deıin ınflıasııanyń jalpy kórsetkishi 5 paıyzdyń mańaıynda, bul ótken on jyl ishindegi eń tómengi kórsetkish bolǵanyn aıtqym keledi, – dedi Ulttyq bank tóraǵasy Q.Kelimbetov. Sondaı-aq, ol ulttyq valıýtamyzdyń turaqtylyǵy Ulttyq bankke elimizdiń altyn-valıýta qoryn odan ári qaraı arttyrýǵa múmkindik bergenin jáne búgingi tańda onyń kólemi 93,9 mlrd. dollardan asyp otyrǵanyn jetkizdi. «Biz Elbasynyń tapsyrmasyna sáıkes, endigi jyly 100 mlrd. dollardan astam birlesken halyqaralyq rezervke ıe bolamyz dep oılaımyn», – dedi ol.
Ústimizdegi jylǵy qarashada teńgeniń AQSh dollaryna qatysty baǵamy 1 dollar úshin 152,72–154,34 teńge aralyǵynda ózgergen. Aıdyń sońynda teńgeniń bırjalyq baǵamy bir aıda 0,4 paıyzǵa tómendep, bir AQSh dollary úshin 153,68 teńge bolǵan. Sonymen birge, osy qarashada qosymsha saýda-sattyqtardaǵy mámilelerdi qosa alǵanda, Qazaqstan qor bırjasyndaǵy bırjalyq operasııalardyń kólemi qazan aıymen salystyrǵanda 12,3 paıyzǵa ulǵaıǵan. Bırjadan tys valıýta naryǵynda operasııalardyń kólemi 0,5 paıyzǵa tómendegen. Jalpy alǵanda, ishki valıýta naryǵyndaǵy operasııalardyń kólemi bıylǵy jyldyń qazanymen salystyrǵanda 8,5 paıyzǵa kóterilgen.
2013 jylǵy qazan aıynda ornalastyrylǵan bankaralyq depozıtterdiń jalpy kólemi qyrkúıek aıymen salystyrǵanda 3,1 paıyzǵa ósken. Al teńgemen ornalastyrylǵan atalǵan depozıtter 26,6 paıyzǵa kóterilip, 130,4 mlrd. teńgeni quraǵan. Dollarmen ornalastyrylǵan depozıtter 15,8 paıyzǵa artsa, Reseı rýbli jáne eýromen depozıtter 0,3, 0,2 paıyzdarda bolǵan.
Ulttyq banktiń bankterden tartqan depozıtteriniń kólemi qazan aıynda qyrkúıekpen salystyrǵanda ózgermegen. Iаǵnı, 82,5 mlrd. teńgeni qurap otyr.
Bankterdiń ekonomıkany kredıtteýiniń jalpy kólemi qazan aıynda 11040,4 mlrd. teńgeni qurap, 1,0 paıyzǵa ósken. Ulttyq valıýtadaǵy kredıtter 7768,5 mlrd. teńgege deıin, al shet el valıýtasyndaǵy kredıtter 3272,0 mlrd. teńgege deıin ulǵaıǵan. Uzaq merzimdi kredıtteý 8990,2 mlrd. teńge, al qysqa merzimdi kredıtteý 2050,3 teńgege deıin bolǵan. Uzaq merzimdi kredıtteýdiń úles salmaǵy bir aıda 81,5-ten 81,4 paıyzǵa tómendegen.
Basqosýda Ulttyq bank tóraǵasy 20 myń teńgelik valıýtany aınalymǵa shyǵarý máselesine kelgende onyń áli erterek ekenine toqtaldy. «Búginde bizge 200, 500 jáne 1000 teńgelik kýpıýralar jetispeıdi. 5000 jáne 10000 teńgeni aınalymnan shyǵarý jumysyn toqtatpaǵanda, ol da tapshy bolatyn edi. Sondyqtan qazir biz 200, 500 jáne 1000 teńgelik kýpıýralardy qosymsha shyǵarý boıynsha jumys jasap jatyrmyz», dep atap ótti.
Jıynda kóptiń kókeıinde júrgen saýaldardyń biri nesıege páter alý jaıy da sóz bolmaı qalmady. Bul rette bas bankır qazaqstandyqtardyń tek 5-10 paıyzy ǵana nesıege páter alýǵa qaýqarly ekenin aıtty. «Qazirgi kúnde elimizde páter alýǵa bankter beretin nesıeniń paıyzdyq mólsherlemesi tym joǵary. Olaı bolýy da tıis. О́ıtkeni, bul qarjy qyzmetiniń halyqtyń tólem qabileti joǵary tobyna arnalǵan segment», dedi.
Brıfıngte Ulttyq bank tóraǵasy Q.Kelimbetov BAQ ókilderiniń ózge de birqatar suraqtaryna jaýap berdi.
Ábdirahman QYDYRBEK,
«Egemen Qazaqstan».