Shardara sý qoımasynda jóndeý jumystary jospar boıynsha júrgizilýde. Qazirgi kezde eshqandaı qaýip joq. QR Tótenshe jaǵdaılar birinshi vıse-mınıstri Ibragım Kúlshimbaev Ortalyq kommýnkıasııalar qyzmetinde ótken brıfıngte jýrnalısterdiń Shardara sý qoımasyna qatysty suraqtaryna osylaı dep jaýap berdi.
Onyń aıtýynsha, atalǵan sý qoımasynan normatıvtik sý shyǵarý jumystary júrgizilip jatyr.
«Qazgıdromettiń boljamy boıynsha, bıyl qar mólsheri az bolǵandyqtan sýdyń kelýi de az boldy. Sý shyǵarý jumystary bastaldy. Bári normatıvtik deńgeıde. Túrkistan oblysymen shekarada Syrdarııa ózeniniń boıynda muz joq, biraq Qyzylorda oblysynda muzdyń qalyńdyǵy 18 sm, al Aral teńizi mańaıynda 50- 60 sm jetedi. Biraq bul qaýipti emes», - dedi TJM ókili.
I. Kúlshimbaev Qyzylorda oblysyndaǵy ahýal mınıstrliktiń jeke baqylaýyna alynǵanyn atap ótti.