Soltústik Qazaqstan oblysynda Densaýlyq saqtaý mınıstrliginiń Transplantattaý jáne joǵary tehnologııalyq medısınalyq qyzmetterdi úılestirý jónindegi respýblıkalyq ortalyǵynyń úılestirýimen donorlyq prosess júrgizildi, dep habarlaıdy Egemen.kz.
Kópbeıindi qalalyq jedel medısınalyq járdem aýrýhanasyna 1961 jyly týǵan er adam jedel mı qan aınalymynyń buzylýymen jetkizildi.
Júrgizilgen reanımasııalyq is-sharalarǵa qaramastan, dárigerler mıynyń ólimin tirkedi. Túsindirý jumystary júrgizilgennen keıin týystary qaıtys bolǵannan keıingi donorlyqqa kelisim berdi.
Transplantattaý komandalary men sanıtarııalyq avıasııanyń qatysýymen aǵzalar alynyp, uzaq ýaqyt boıy respýblıkalyq kútý paraǵynda turǵan pasıentterge transplantattaý kómegi kórsetildi.
Máıit donorlyǵyna kelisim bergender sany 3 ese artty
Baýyr 51 jastaǵy baýyr sırrozymen aýyratyn er adamǵa transplantattaldy. Sondaı-aq dıabettik nefropatııa aıasynda damyǵan V satydaǵy sozylmaly búırek aýrýy bar pasıentterge eki búırek: 1986 jyly týǵan áıelge jáne 2020 jyldan beri baǵdarlamalyq gemodıalızde júrgen 1978 jyly týǵan er adamǵa transplantattaldy.
Qazaqstanda jyl saıyn 80 myń em alýshy donorlyq qan alady
Búginde Qazaqstanda transplantattaýdy kútý paraǵynda 4,5 myńnan astam pasıent bar, olardyń edáýir bóligi búırek, baýyr jáne júrek transplantattaýyn qajet etedi. Tek ótken jyldyń ózinde qaıtys bolǵannan keıingi donorlardan 18 donorlyq prosess júrgizilip, ómirlik mańyzdy aǵzalardy transplantattaý boıynsha 68 operasııa jasaldy. Soǵan qaramastan, jyl saıyn júzdegen pasıent óz kezegine jete almaı ómirden ótedi.
Donor men dotasııa: О́ńirlerdi órkendetý baǵdary qalaı ózgeredi?
Densaýlyq saqtaý mınıstrligi donordyń otbasyna shynaıy alǵysyn bildiredi. Qaıǵy-qasirettiń aýyr sátinde olar basqa adamdardyń ómirin saqtap qalýǵa múmkindik bergen sheshim qabyldady. Dál osyndaı qadamdar donorlyq mádenıetin qalyptastyryp, búgin transplantattaýdy kútip otyrǵan adamdarǵa úmit syılaıdy.