Qazaqstanda Astana Hub uıymdastyrǵan tehnologııalyq jobalarǵa arnalǵan ulttyq startap-batl – Digital Qazaqstan Battle óńirlik jartylaı fınaldary aıaqtaldy. Baıqaý qorytyndysy boıynsha óz óńirlerin tanystyryp, sheshimderin Shymkent qalasynda ótetin Digital Qazaqstan forýmy sahnasynda usynatyn 20 fınalıst anyqtaldy, dep habarlaıdy Egemen.kz.
Jasandy ıntellekt jáne sıfrlyq damý mınıstrliginiń málimetinshe, óńirlik jartylaı fınaldardyń qorytyndysy boıynsha Digital Qazaqstan Battle fınalyna 20 startap ótti. Olardyń qatarynda: aitomaton (Qostanaı), Lady Taxi (Atyraý), SanEduPortal (Semeı), Kasibi Taxi (Oral), LoyaBonus (О́skemen), Okushy (Kókshetaý), CortexAI (Qyzylorda), Proji (Aqtóbe), zhihaz.kz (Qonaev), SmetaHub (Jezqazǵan), gro.now (Almaty), Reco (Taraz), AR Sana (Astana), Qalam (Shymkent), Ai-mektep (Túrkistan), JolScan (Qaraǵandy), Mathlab (Pavlodar), Help Hand (Taldyqorǵan), KenDala (Aqtaý) jáne Numerus (Petropavl).
«Digital Qazaqstan Battle – myqty tehnologııalyq jobalar tek iri qalalarda ǵana emes, Qazaqstannyń óńirlerinde de paıda bolatynyn kórsetýge múmkindik. Jartylaı fınaldar barysynda biz daıyn ónimderi bar, alǵashqy satylymdaryn júzege asyrǵan jáne halyqaralyq naryqtarǵa shyǵýdy kózdeıtin startaptardy kórdik. Shymkentte ótetin fınal olardyń eń úzdikterine óz sheshimderin ınvestorlarǵa jáne eldiń búkil tehnologııalyq ekojúıesine tanystyrýǵa múmkindik beredi», dedi Astana Hub basqarýshy dırektory Tanat О́skembaev.
О́ńirlik batldardyń jeńimpazdarynyń biri – jol ınfraqurylymynyń jaı-kúıin monıtorıngteý jáne kompıýterlik kórý tehnologııalary arqyly avtoturaq keńistigin basqarý sheshimin ázirleıtin JolScan startaby. Júıe qalalyq kameralar men mobıldi qurylǵylardan jınalǵan derekter negizinde jol jabynyndaǵy aqaýlardy avtomatty túrde anyqtaıdy. Bul joldardy qolmen tekserýge ketetin shyǵyndardy aıtarlyqtaı azaıtýǵa múmkindik beredi.
«Jartylaı fınalda jeńiske jetý – jol ınfraqurylymyn monıtorıngteý men avtoturaq keńistigin basqarýdy bir ekojúıege biriktiretin «aqyldy qala» tujyrymdamamyzdyń ómirsheńdigin rastaıdy. Biz úshin bul qoldanystaǵy qalalyq ınfraqurylymdy mobıldi sensorlar retinde paıdalaný sııaqty ınnovasııalyq tásil qalalardy sıfrlyq transformasııalaýdyń tıimdi quraly bola alatynyn kórsetedi», dedi JolScan startabynyń teń quryltaıshysy Rýstem Qadyrov.
О́ńirlik kezeńniń taǵy bir jeńimpazy – aitomaton startaby. Ol AI-agentterdiń kómegimen bıznes-prosester men kommýnıkasııalardy avtomattandyrýǵa arnalǵan platformany ázirleıdi.
«Biz bıznes úshin AI-agentter men adamdardy bir jumys keńistiginde biriktiretin platformany jasap jatyrmyz. Onda negizgi quraldar biriktirilgen: CRM, task-treker, qyzmetterge jazylý júıesi, omnıkanaldy messendjer, telefonııa jáne qońyraýlar men chattarda jumys isteıtin AI-agentter. Digital Qazaqstan Battle fınalyna shyǵý – bul tujyrymdamany keń tehnologııalyq aýdıtorııaǵa tanystyrýǵa tamasha múmkindik. Fınalda úzdik úshtikke enip, jobany damytý úshin jańa seriktester tabýdy josparlap otyrmyz», dedi aitomaton jobasynyń CPO jáne negizin teń qalaýshy Edgar Volodkın.
«Shekara arýy» beınebaıqaýynyń jeńimpazy anyqtaldy
Eske sala ketsek, ulttyq startap-batldyń fınaly 2026 jylǵy 27 naýryzda Shymkent qalasynda Digital Qazaqstan forýmy aıasynda ótedi. Fınalıster óz jobalaryn qazylar alqasyna, ınvestorlarǵa jáne eldiń tehnologııalyq ekojúıesiniń ókilderine tanystyrady.
Batl jeńimpazy 10 000 000 teńge, ekinshi oryn ıegeri 5 000 000 teńge, úshinshi oryn ıegeri 3 000 000 teńge alady. Sonymen qatar 1 000 000 teńge kóleminde kórermen kózaıymy júldesi tabystalady. Qazylar alqasy jobalardy naryqtyq dınamıkasy, komanda sapasy, masshtabtalý áleýeti jáne ınvestısııalyq tartymdylyǵy boıynsha baǵalaıdy.
Tashkenttegi Grand Slam týrnırine qatysatyn balýandar anyqtaldy