Parlament Senatynyń Tóraǵasy Máýlen Áshimbaev О́zbekstan Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Saıdıkram Nııazhodjaevpen kezdesti, dep habarlaıdy Egemen.kz Senattyń baspasóz qyzmetine silteme jasap.
Júzdesýshiler parlamentaralyq baılanystardy, sondaı-aq ekonomıkalyq jáne mádenı-gýmanıtarlyq yntymaqtastyqty odan ári nyǵaıtý máselelerin talqylady.
«О́zbekstan – Qazaqstannyń Ortalyq Azııa óńirindegi negizgi saýda áriptesi. Biz memleketter basshylarynyń saýda-ekonomıkalyq jáne shekara mańyndaǵy yntymaqtastyq baılanystary jónindegi kelisimderine zor mańyz beremiz. Sonymen qatar mádenı-gýmanıtarlyq, áleýmettik jáne basqa salalardaǵy ózara tıimdi is-qımyl qarqyndy damyp keledi», dep atap ótti Senat Tóraǵasy.
Máýlen Áshimbaev Qazaqstan Respýblıkasy Májilisi men máslıhatynyń bıylǵy 10 qańtarda ótken saılaýyn baıqaýǵa ózbek tarapynyń belsendi qatysqany úshin Saıdıkram Nııazhodjaevqa alǵysyn bildirdi, sondaı-aq osy sharanyń eldi odan ári damytýdaǵy mańyzyna toqtaldy.
«Saılaý naýqany bastalǵanǵa deıin Prezıdenttiń bastamasymen saıası reformalar toptamasy qabyldandy. Ol jańarýlar bizdiń elimizdiń saıası júıesin odan ári jańǵyrtýǵa baǵyttalǵan bolatyn. Ony iske asyrý úshin Parlament saıası partııalar jáne saılaý týraly zańnamaǵa tıisti ózgerister engizdi. Parlamenttiń VII shaqyrylymynyń ashylýynda Memleket basshysy áleýmettik, ekonomıkalyq jáne saıası salalardy damytý jónindegi jańa bastamalardy jarııa etti», dedi Máýlen Áshimbaev.
Senat Tóraǵasy Qazaqstan men О́zbekstannyń barlyq salalardaǵy qarym-qatynasy joǵary qarqynmen damyp kele jatqany baıqalyp otyrǵanyn atap ótti. Sondaı-aq búkil Ortalyq Azııa óńiriniń tabysty ekonomıkalyq damýy, turaqtylyǵy men qaýipsizdigi negizinen Qazaqstan men О́zbekstannyń ózara tyǵyz ári kelisilgen is-qımylyna baılanysty ekeni aıtyldy.
Máýlen Áshimbaev sondaı-aq senatorlar bıyl Qazaqstan men О́zbekstan arasyndaǵy parlamentaralyq yntymaqtastyqty nyǵaıtýda belsendi jumys isteýdi josparlap otyrǵanyna toqtaldy.