Astana LRT qurylysyn jandandyrý úshin bankterden ınvestısııa tartý jumystary bastaldy. Bul týraly búgin qala turǵyndarymen esep berý kezdesýinde elorda ákimi Altaı Kólginov aıtty, dep habarlaıdy Egemen.kz
«LRT qalalyqtardyń barlyǵyn tolǵandyryp otyr. Pandemııa kezeńinde onyń qurylysyn jalǵastyrý máselesi toqtap qalǵan edi. О́ıtkeni, Qazaqstannyń ekinshi deńgeıli bankterinen ǵana emes, sonymen birge halyqaralyq bankterden de syrtqy zaım tartý qajet boldy. Qazirgi ýaqytta bul jumys qaıta jandandy. Bankterden qarajat tartý qajet», dedi Altaı Kólginov.
Qala basshysy osy ýaqytqa deıin salynǵan LRT nysandary qala kórkin buzyp turǵandyǵyn da jasyrmady.
«Onyń ústine oǵan qomaqty qarajat jumsalyp ketti. Sondyqtan bul jumysty jalǵastyratyn bolamyz. Qazirgi ýaqytta bankterden ınvestısııa tartý baǵytyndaǵy jumys júrgizilip jatyr», dedi elorda ákimi.