Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi jańadan taǵaıyndalǵan Azııa damý bankiniń (ADB) Eldik dırektory Narıman Mannapbekovti qabyldady, dep habarlaıdy Egemen.kz.
Syrtqy saıası vedomstvosynyń basshysy suhbattasyn Úkimettiń eldiń áleýmettik-ekonomıkalyq damýy, onyń ishinde COVID-19 pandemııasynyń saldaryn eńserý aıasyndaǵy aǵymdaǵy qyzmeti týraly habardar etti.
ADB ókili QR Prezıdenti júrgizip otyrǵan eldiń qarqyndy damýyna jáne halyqtyń ál-aýqatyn arttyrýǵa baǵyttalǵan reformalardyń mańyzdylyǵyn atap ótti.
Taraptar Qazaqstan men ADB-nyń densaýlyq saqtaý, aýyl sharýashylyǵy, bilim berý, shaǵyn jáne orta bıznesti qoldaý jáne basqa da ekonomıkanyń basym sektorlaryndaǵy yntymaqtastyǵynyń áleýetterin talqylady.
Kezdesý nátıjesi boıynsha taraptar yntymaqtastyqtyń negizgi baǵyttary boıynsha ózara árekettesýdi jalǵastyrýǵa ýaǵdalasty.