Palata Tóraǵasy Qasym-Jomart Toqaev tóraǵalyq etken Parlament Senatynyń bıýro otyrysy Senatqa túsken zań jobalaryn bólýge jáne Joǵarǵy Sottyń sýdıalaryn bosatý jáne saılaý týraly Qazaqstan Respýblıkasy Prezıdentiniń usynymyna, palatanyń kezekti otyrysynyń kún tártibine qatysty birqatar qaýlylar qabyldady, sondaı-aq, Senattyń 2014 jylǵy negizgi is-sharalarynyń josparyn negizinen maquldady, dep habarlady osy palatanyń baspasóz qyzmeti.
Palata Tóraǵasy Qasym-Jomart Toqaev tóraǵalyq etken Parlament Senatynyń bıýro otyrysy Senatqa túsken zań jobalaryn bólýge jáne Joǵarǵy Sottyń sýdıalaryn bosatý jáne saılaý týraly Qazaqstan Respýblıkasy Prezıdentiniń usynymyna, palatanyń kezekti otyrysynyń kún tártibine qatysty birqatar qaýlylar qabyldady, sondaı-aq, Senattyń 2014 jylǵy negizgi is-sharalarynyń josparyn negizinen maquldady, dep habarlady osy palatanyń baspasóz qyzmeti.
Palata komıtetterine tıisti zań jobalary bólip berilgen soń, Senattyń 26 jeltoqsandaǵy kezekti otyrysynyń kún tártibi bekitildi. Bıýro músheleri, sondaı-aq, Parlament Senatynyń 2014 jylǵa arnalǵan negizgi is-sharalar josparyn negizinen maquldady.
Qujatta Prezıdent N.Á.Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» Joldaýyn, sonymen qatar, Parlamenttiń kezekti sessııasynyń ashylýynda Memleket basshysy belgilegen basymdyqtardy iske asyrýǵa baǵyttalǵan depýtattardyń zań shyǵarý jumystary kórinis tapty.
Senatta jyl ishinde jańa bıýdjet saıasaty, memlekettik josparlaý júıesin jetildirý, aqparattyq qaýipsizdik, deneshynyqtyrýdy damytý, buqaralyq sport jáne salamatty ómir saltyn qalyptastyrý máseleleri boıynsha úkimettik saǵattar ótedi. Elimizdiń jasyl ekonomıkaǵa kóshý máseleleri boıynsha parlamenttik tyńdaý 2014 jylǵy IV toqsanǵa josparlandy.
Senat komıtetteri elimizdiń aımaqtarynda taqyryptyq kóshpeli otyrystar ótkizetin bolady. Onda memlekettik shekara týraly zańnamany iske asyrý, ındýstrııalyq-ınnovasııalyq qyzmetti memlekettik qoldaý, «Jumyspen qamtý-2020» baǵdarlamasyn júzege asyrý, shaǵyn jáne orta bıznesti damytý, quqyq qorǵaý organdary men sottardy reformalaý, bıýdjet úderisterin jetildirý jáne balyq sharýashylyǵyn damytý máselelerin talqylaý kózdelip otyr.
Senattaǵy birqatar dóńgelek ústelder men ǵylymı-tájirıbelik konferensııalar aımaqtardy gazben qamtý, ǵylymı-tehnıkalyq bilim berý júıesin damytý, qylmystyq-atqarý júıesiniń problemalary, ákimshilik zańnamasyn reformalaý, kooperasııa máseleleri jónindegi zańnamany jetildirý, ǵylymı zertteýlerdiń tıimdiligin quqyqtyq turǵyda qamtamasyz etý, sondaı-aq, salyq jeńildikterin ońtaılandyrý jáne olardyń tıimdiligin arttyrý máselelerine arnalatyn bolady.
Senatorlar ortalyq jáne jergilikti atqarýshy organdardyń, damý ınstıtýttary men oqý oryndarynyń basshylarymen kezdesýler ótkizedi. Depýtattar toqsan saıyn aımaqtarǵa dástúrli saparǵa shyǵady. Jergilikti ókildi organdarmen, onyń ishinde «О́ńir» depýtattyq toby arqyly ózara is-qımyl jalǵasatyn bolady.
Senattyń halyqaralyq sharalary arasynda 2014 jylǵy qyrkúıekte ótetin Álemdik jáne dástúrli dinder kóshbasshylary sezi Hatshylyǵynyń HIII otyrysyn, Senat Tóraǵasy men depýtattary BUU, EQYU, TMD, EýrAzEQ, UQShU, Eýropa Keńesi, NATO parlamentaralyq forýmdarynyń, «Qazaqstan Respýblıkasy – Eýropa Odaǵy» Parlamenttik yntymaqtastyq komıtetiniń sharalaryna qatysatynyn atap ótý kerek. Odan basqa, ekijaqty resmı saparlar, sonymen birge, shet memleketter parlamentterimen yntymaqtastyq toptary boıynsha kezdesýler josparlandy.