QR Memlekettik qyzmet isteri agenttiginiń tóraǵasy Anar Jaıylǵanova qaramaǵyndaǵy qyzmetker úshin qansha basshynyń jaýapqa tartylǵanyn aıtyp berdi, dep habarlaıdy Egemen.kz
Agenttik qol astyndaǵy qyzmetkerdiń sybaılas jemqorlyq qylmysy úshin birinshi basshylardyń jaýapqa tartylýyn qadaǵalaıdy jáne Prezıdent Ákimshiligine toqsan saıyn aqpar beredi. «Jańa ereje engizilgen sátten bastap (2019 jylǵy jeltoqsannan beri) memlekettik organdar men uıymdardyń 86 basshysy tártiptik jaýapqa tartyldy, onyń ishinde 4 saıası memlekettik qyzmetshi otstavkaǵa ketti», dedi Anar Jaıylǵanova QR Memlekettik qyzmet isteri agenttiginiń alqa otyrysynda.
Vedomstvoda atap ótkendeı, 13 saıası memlekettik qyzmetshi, 33 ákimshilik, 25 quqyq qorǵaý organdarynyń qyzmetkeri, 15 kvazımemlekettik sektor jáne JAO vedomstvolyq baǵynyshty uıymdardyń qyzmetkerleri jaýapkershilikke tartylǵan.
«Aýmaqtyq bólimshelerde bul máselede prınsıptik ustanym bolýy tıis. Qajetti sharalardy ýaqtyly qabyldaı otyryp, barlyq jergilikti jáne ortalyq memlekettik organdardyń aýmaqtyq bólimshelerine monıtorıng jasaý qajet», dep atap ótti Anar Jaıylǵanova.