«Shymkent-Kashemır» JShS – júndi óńdeý jáne odan ıirilgen jipter men syrylyp tigilgen kórpeler shyǵaratyn zaýyttyń jumysy qarqyn alǵan. Búginde óndiristiń birinshi kezeńi – júndi-jýý jáne taraýdy alǵashqy óńdeý sehy tolyǵymen paıdalanýǵa berildi. Seh eń aldymen ózindik óndiristi shıkizatpen jaraqtandyrý úshin qurylǵan bolatyn. Jylyna 2000 tonnaǵa deıin jýylǵan jáne taralǵan júndi daıyndaıdy. Kásiporynda negizinen jergilikti shıkizat paıdalanylýda.
Zaýyt dırektory, jas kásipker Sanat Shaǵanbekulynyń aıtýynsha, kásiporyn óz salasynda, óz aýqymy boıynsha elimizdegi eń úzdikterdiń biri.
– Keńes ýaqytynan beri tanymal, júndi alǵashqy óńdeýshi iri zaýyttar qazir toqtap qalǵan. О́kinishke qaraı, óndiristiń bul túri tómen tabysty salaǵa jatady jáne úlken salymdardy talap etedi. Biraq AEA-da ornalasqandyqtan jáne jekeleı jeńildik pen artyqshylyqtar esebinen biz jumys aýqymyn keńeıtýge múmkindik aldyq, – deıdi Sanat Shaǵanbekuly.
2017 jyly zaýyt aınalym quralyn tolyqtyrýǵa «Bank RBK» AQ banki arqyly nesıe aldy. Kásiporyn úshin paıyz mólsherlemesi 17 %-y qurady, onyń 7 %-n «Damý» Qory sýbsıdııalaıdy.
Qazirgi tańda kásiporynnyń ekinshi kezeńin iske qosý boıynsha jumystar atqarylýda. Taralǵan jún tizbegin óndiretin seh daıyn tur. Satyp alynǵan qurylǵylardyń jartysy ornatylǵan. Búginde synamalar júrgizilýde.
Otandyq ónimderdiń sapasy joǵary, mońǵol, ıtalıan, grek jáne reseılik analogtardan esh kem túspeıdi. Sondaı-aq, baǵasy da áldeqaıda qol jetimdi.