Bokstan jastar men jasóspirimder jáne qyzdar arasynda ótken Qazaqstan Respýblıkasynyń chempıonatynda túrkistandyq boksshylar 4 altyn, 4 kúmis jáne 6 qola medaldi ıelendi.
Jas boksshylar Túrkistan oblysy əkiminiń orynbasary Səken Qalqamanov pen dene shynyqtyrý jáne sport basqarmasynyń basshysy Qanat Joldyqaraevpen kezdesti. Basqosýda sóz alǵan oblys ákiminiń orynbasary sportshylarǵa qoldaý kórsetip, aldaǵy álemdik dodalarda jeńis tuǵyrynyń bıiginen kórinýine tilektestik bildirdi. Jarystyń "Úzdik boksshysy" atanǵan jeńimpaz túrkistandyq Bahtııar Anarbaev respýblıkalyq saıysqa joǵary daıyndyqpen barǵanyn jetkizdi. Al el chempıonatynda 69 kelide jeńis tuǵyrynan kórinip, boks salasy mamandarynyń nazaryn erekshe ózine aýdarǵan Gaýhar Shəıbekova namysshyldyq pen otansúıgishtik qasıetterdiń jeńiske jeteleıtinin jetkizdi. Sonymen qatar mamandar chempıonatta oblys namysyn qorǵaǵan №5-shi olımpıadalyq sport mektebiniń shəkirtteriniń sheberligin joǵary baǵalady.