Bıyl Atyraý qalasynda 672 páterlik 17 turǵyn úı salý josparlanyp otyr, dep habarlaıdy Egemen.kz.
Bul týraly Atyraý qalasynyń ákimi Qaırat Orazbaev málim etti.
Onyń aıtýynsha, oblys ortalyǵyndaǵy «Bereke» shaǵyn aýdanynda 240 páterlik bir turǵyn úı salynady. Taǵy bir jańa shaǵyn aýdan – «Samalda» 432 páteri bar 16 turǵyn úıdiń qurylysy boı kóteredi.
«Qala mańyndaǵy Talǵaırań eldi mekeninde kóp qabatty 46 úıdiń qurylysyn salý úshin jobalyq-smetalyq qujattamasy daıyndaldy. Munda salynyp jatqan 1 080 páterlik kóp qabatty 24 turǵyn úıge ınjenerlik-kommýnıkasııalyq ınfraqurylym jelisi tartý jalǵasyp jatyr» deıdi Qaırat Orazbaev.
Sondaı-aq, byltyr «Nurly jer» turǵyn úı kommýnaldyq sharýashylyǵyn damytýdyń 2020-2025 jyldarǵa arnalǵan memlekettik baǵdarlamasy aıasynda kóp qabatty 4 turǵyn úıge kúrdeli jóndeý jasaldy. Endi bıyl taǵy da 15 turǵyn úı termojańǵyrtýdan ótkiziledi.