Búgin Qostanaı ákimi Qaırat Ahmetov qala turǵyndaryna onlaın rejimde esep berdi. Ákim oblys ortalyǵynyń 2020 jylǵy áleýmettik-ekonomıkalyq damýyn qorytyndylap, Qostanaıda bıyl júzege asyrylatyn tyń jobalar týraly baıandady.
Qostanaıda byltyr ónerkásip ónimderiniń kólemi 652,1 mlrd teńgege deıin ulǵaıǵan. Ásirese, kólik qurastyrý salasynyń tabysy qomaqty.
– Jyl basynan beri Qazaqstanda 75 myńnan astam kólik quraly óndirildi. Olardyń jartysynan kóbi ıaǵnı, 53,2%-y Qostanaıdaǵy «SaryarqaAvtoProm» zaýytyna tıesili. Kásiporyn 2020 jyly 40 myń kólik shyǵardy, – dedi Qaırat Ahmetov.
Ákimniń aıtýynsha bıyl «Indýstrııalandyrý-kásipkerlikti qoldaý kartasy» aıasynda Qostanaıda birneshe iri kásiporyndardyń qurylysy bastalmaq.
- 2020-jyly ındýstrııalyq aımaqta «Beefexport Group» et óńdeý kesheni men shoıyn quıý zaýytynyń, sondaı-aq avtokólik bólshekterin shyǵaratyn kásiporynnyń qurylysy boıynsha jumys jalǵasady. «Agromashholdıng KZ» AQ aýmaǵyna bıznes-ınkýbator ornalastyrý josparlanyp otyr. 2 jobany bıyl 1 toqsanda paıdalanýǵa berý josparlanýda, - dedi ákim.