Qytaı Jańa jylyn toılaý bıyl ǵasyrlar boıy qalyptasqan dástúrlerdi buza otyryp ótkiziletin bolady, dep habarlaıdy Egemen.kz
Qytaıdyń ózinde otshashýlar men jappaı merekelik sharalar alynyp tastaldy, qalaaralyq saıahattarǵa tyıym salynady, elge kelgen azamattar eki aptalyq karantınnen ótýi sharty engizildi.
Al Japonııa vaksınasııa naýqanyna ázirlenip jatyr.
«Vaksınasııany kelesi aptanyń ortasynda bastaımyz», dedi eldiń Premer-mınıstri Esıhıde Sýga.
Japondyqtar Pfizer vaksınasyn qoldanbaq. Aldymen medısına qyzmetkerleri, sodan keıin, shamamen sáýir aıynda egde jastaǵy adamdarǵa egi josparlanǵan.
Budan bólek, Serbııa jyl sońyna deıin reseılik «Sputnik V» vaksınasynyń óndirisin jolǵa qoıýy múmkin. Serbııa bıligi jańa kásiporyn salý men jabdyq satyp alýǵa qajetti qarajatty bólýge daıyn ekendikterin málimdedi. Elde preparattyń orama óndirisi eki-úsh aıdan keıin bastalady dep kútilýde, sodan keıin tolyq óndiristik sıkl iske qosylmaq.
Sonymen qatar Germanııa mýtasııalanǵan koronavırýstyń óz aýmaǵyna enýine jol bermeý úshin Chehııamen jáne Avstrııamen shekaralyq baqylaýdy kúsheıtti. Chehııada qazir brıtandyq shtamm, al Avstrııanyń Tırol federaldy shtatynda ońtústik afrıka shtammynyń órshýi tirkelgen.
Portýgalııada oqshaýlaný rejımi 1 naýryzǵa deıin jalǵasady. Bılik mundaı sheshimdi pandemııa bastalǵaly tirkelgen eldegi indettiń jyldam órshýine baılanysty qabyldady. Qańtardyń ortasynan bastap mektepter men kóptegen kásiporyndar jabylǵan, al jumys isteı alatyndardyń barlyǵyna qashyqtyqtan jumys isteý engizildi.
Al Vengrııa bıligi KVI-den jazylǵan adamdarǵa, sondaı-aq koronavırýsqa qarsy vaksına qabyldaǵan adamdarǵa arnaıy sertıfıkattar engizbekshi. Eki qujatta aqysyz rásimdelinedi, biraq olardyń qandaı quqyqtar beretini ázirge belgisiz.