Bul kúnderi Melbýrn qalasynda ótip jatqan Aýstralııanyń ashyq chempıonaty qazaqstandyq sportshylar úshin máresine jetti. Jerlesterimiz arasynda jarysty jalǵastyrǵan Zarına Dıas, Iýlııa Pýtınseva men juptyq synda baq synaǵan Aleksandr Býblık pen Andreı Golýbev qarsylastarynan jeńilip qaldy.
Z.Dıas úshinshi kezeńde ıspanııalyq G.Mýgýrýsadan jeńilse, Iý.Pýtınseva álemniń besinshi raketkasy ýkraınalyq Elına Svıtolınadan oısyraı utyldy – 6:4, 6:0. Sóıtip jekeleı syndaǵy Qazaqstannyń qalǵan eki sportshysy da jarystan shyǵyp qaldy.
Qalǵan úmit juptyq synda óner kórsetip jatqan jigitterimizde edi. О́kinishke qaraı, olar da jarystyń tórtinshi aınalymynda jeńilip, shırek fınalǵa shyǵa almady. Salvadorlyq Marselo Arevalo men nıderlandyq Matve Mıddelkoppen kezdesken jerlesterimiz tartysty ótken básekede 7:6, 7:6, 6:3 esebimen jol berdi.