Pavlodar oblysynda urlanǵan kólikterdi bólshektep satýmen aınalysqan azamat ustaldy, onyń 6 kólik urlyǵyna qatysy bar ekeni anyqtaldy, dep habarlaıdy Egemen.kz Polisia.kz saıtyna silteme jasap.
– Jedel-izdestirý is-sharalaryn ótkizý barysynda jedel ýákilder Pavlodar qalasynyń 22 jastaǵy turǵynyn ustady. Kúdiktiniń qylmys jasaýǵa muqııat daıyndalǵany, nemis óndirýshisiniń kóligin aldyn ala tańdaǵany, kólikti urlap áketý baǵytyn josparlaǵany, negizinen urlyqty saǵat 02:00-den 03:00-ge deıin jasaǵany anyqtaldy. Ol tek “Aýdı 80” markaly avtokólikterdi aıdap áketýge daǵdylanǵan, óıtkeni olardyń qosalqy bólshekteri naryqta suranysqa ıe, – dedi Pavlodar oblysy Polısııa departamenti Krımınaldyq polısııa basqarmasynyń bastyǵy Balǵabaı Qaparov.
Ol bastapqyda urlanǵan kólikterdiń bólshekterin tanystary arqyly satqan. Keıin “OLX” qosymshasy men ǵalamtordaǵy “Aýdı” áýesqoılar toby arqyly satýdy júzege asyrǵan.
Ustalǵan kezde er adamnan “Aýdı” markaly avtokólikterdiń kiltteri alyndy, al onyń garajynan “Aýdı-80″markaly avtokóliktiń qosalqy bólshekteri tabyldy.
Sotqa deıingi tergeý barysynda jedel ýákilder onyń 2019, 2020 jáne 2021 jyldary Pavlodar oblysynyń aýmaǵynda jasalǵan avtokólik urlyǵynyń alty faktisine qatysy bar ekenin anyqtady.
Barlyq faktiler boıynsha Qazaqstan Respýblıkasy QK-niń 188-baby (Urlyq) sotqa deıingi tergeý amaldary júrgizilýde, ustalǵan azamat Aqsý qalasynyń ýaqytsha ustaý ızolıatoryna qamaldy.