Bıyl alǵash ret qysqy medıa mektep jumysy onlaın ótti. «Qazaq Radiosy» 100 jyldyǵy jáne búkilálemdik radıo kúnine arnalǵan «Qoljetimdi radıo árturǵynǵa jáne barsha halyqqa: COVID-19 pandemııaǵa qarsy kúreste» taqyrybynda VIII halyqaralyq jýrnalıstıka jáne kommýnıkasııa qysqy mektebiniń ashylýynda fakýltet dekany Saǵatbek Medeýbek 100 jyldyq únjarııanyń qoǵamdaǵy rólin erekshe atap, sharaǵa Nur-Sultan qalasynan «Qazaq radıolary» JShS Bas dırektory Ernur Býrahan bastaǵan radıo ujymy, elimizdiń óńirlerinen, Eýropa, AQSh, Reseı, Qytaı, Aýǵanstan, Vetnam, Qyrǵyzstan, О́zbekstan, Tájikstan elderinen qatysqan praktık mamandardy, jýrnalıstıka fakýlteti stýdentteri men oqytýshy-ǵalymdardy radıo kúnimen quttyqtady, dep jazady Egemen.kz
2014 jyldan beri ál-Farabı atyndaǵy Qazaq ulttyq ýnıversıteti Almaty IýNESKO Klasterlik Bıýrosy qoldaýymen Búkilálemdik radıo kúnine arnalǵan Halyqaralyq jýrnalıstıka jáne kommýnıkasııa qysqy mektebin ótkizip keledi. Bul shara bilim alyp júrgen jastar men kásibı jýrnalısterdiń medıa alańyna aınaldy.
QazUÝ IýNESKO-nyń Dúnıejúzilik radıo kúnin: «Jańa álem. Jańa radıo. Evolıýsııa. Innovasııa. Toǵysý» atty taqyryptaryn qoldady. 2021 jyly IýNESKO ǵasyrlyq tarıhy bar radıostansııalarǵa onynshy ret atalatyn halyqaralyq kúndi atap ótý usynylǵan bolatyn. Bıylǵy radıo kúnin atap ótý úsh taqyrypqa aıasynda ótti.
DAMÝ. Álem ózgeredi, radıo damıdy. Bul taqyryp radıonyń túrli transformasııaǵa turaqtylyǵy men ómirsheńdigin erekshe tanytady.
INNOVASIIаLAR. Álem ózgeredi, radıo ınnovasııalarǵa ıemdi jáne olardy ómirge engizedi. Kez kelgen adamǵa qoljetimdi mobıldik eń joǵary aqparat quraly retinde radıony jańa tehnologııalarmen jabdyqtaýǵa týra keledi.
О́ZARA BAILANYS. Álem ózgeredi, radıo adamdardy baılanystyrady. Bul taqyryp tabıǵı apatta, áleýmettik-ekonomıkalyq daǵdarysta, epıdemııada radıonyń arqasynda qoǵam osy oqıǵalardy tyńdaıdy jáne kómekke shaqyra alady.
Radıonyń adamzatty aǵartý men aqparattandyrýdyń teńdessiz quraly ekendigin atap ótken Ernur Kósherhanuly, 100 jyldyqtyń aıasynda áýe tolqynynda tyńdarmanyna jol tapqan jańa baǵdarlamalar týraly erekshe atap ótti. Pandemııa jaǵdaıynda jýrnalısterge shyǵarmashylyq múmkindiktiń berilýi, qashyqtan radıo jumysyn uıymdastyrýdyń oń keısterimen bólisti. Almatydaǵy IýNESKO Klasterlik bıýrosy mamany Sergeı Karpov Búkilálemdik radıo kúniniń jahandyq kún tártibin atady. "Jańa radıo. Evolıýsııa. Innovasııa. Toǵysý».
IýNESKO kótergen basty taqyryptar aıasynda radıonyń tótenshe jaǵdaıdaǵy adamdardyń ómirine arasha, qaterge tosqaýyl bolarlyq kúshi ataldy. QR BUU Jahandyq kommýnıkasııa departamenti ókili Vlastımıl Samek reporterlerdiń lokdaýn kúnderindegi jumysyn erlikpen teńedi. Juqpaly aýrýmen kúreste radıo shynaıy aqparat taratýdyń shuǵyl, senimdi, buqaralyq quraly sanaldy. Osy rette «Qazaq radıolarly» JShS tolqynynda úzdiksiz taraǵan SOVID-19 pandemııasy kezindegi jalǵan aqparatpen kúrestegi aqparattyq kúresin erekshe atady. Medıa sharanyń spıkerleri qatarynda Kolýmbııa ýnıversıtetiniń professory Gúlnar Kendirbaı, Komenıýs ýnıversıtetiniń professory Vladımır Basısın, Altaı memlekettik ýnıversıtetiniń jýrnalıstıka teorııasymen praktıkasy bóliminiń meńgerýshisi, professor Elena Vasılevna Lýkashevıch, J.Balasaǵyn atyndaǵy Qyrǵyz ulttyq ýnıversıtetiniń jýrnalıstıka fakýltetiniń dekany Aına Dúıshekeeva, О́zbekstan memlekettik álem tilderi ýnıversıtetiniń Halyqaralyq jýrnalıstıka fakýltetiniń dekany Amrýllo Karımov, Tájikstandaǵy Slavıan ýnıversıteti dosenti Shahodat Saıbnazarova qatysyp, ulttyq radıonyń damýy jaıly kóz sóıledi.
Sharanyń qorytyndysynda Ortalyq Azııa ýnıversıtetteri jýrnalıstıka ǵalymdary medıa naryqtaǵy ortaq úrdister men ulttyq damý modelin saralataıyn ǵylymı-taldamalyq jýrnal shyǵarýdy usyndy. Eýrazııalyq keńistiktegi medıanyń ózekti máseleleri, qoǵamdyq talqylaýlary men ozat keısterin taldaý, saraptaý jýrnaldyń basty baǵyty bolmaq.
2019 jyly 23 qarashada Búkiálemdik Telıvezııa kúni aıasynda Tashkenttegi IýNESKO qoldaýmen ótken semınarda kópvektorly yntymaqtastyqty arttyrý jáne ıntegrasııalaý maqsatynda Ortalyq Azııa ýnıversıtetteri jýrnalıstıka jáne kommýnıkasııa assosıasııasy qurylyp, alǵash tóraǵalyqty Mırzo Ulyqbek atyndaǵy О́zbekstan ulttyq ýnıversıteti jýrnalıstıka fakýlteti atqaryp, 2021 jyly bul mıssııa ál-Farabı atyndaǵy Qazaq ulttyq ýnıversıteti jýrnalıstıka fakýltetine tabystaǵan bolatyn.
Atalmysh qysqy mektep IýNESKO deńgeıinde atalatyn Búkiálemdik radıo kúnine halyqaralyq deńgeıde úles qosyp otyr.