Qazaqstannyń Tuńǵysh Prezıdenti Nursultan Nazarbaev Qaraǵandy oblysynyń burynǵy ákimi Petr Nefedovtyń týǵan-týystary men jaqyndaryna kóńil aıtty, dep habarlaıdy Egemen.kz Elbasy.kz saıtyna silteme jasap.
Qazaqstannyń Tuńǵysh Prezıdenti memleket qaıratkeri Petr Nefedovtiń ómirden ozǵany týraly sýyt habardy kúızelispen qabyldady.
«Qarapaıym kenshiden bastap, elimizdiń ónerkásiptik óńiri – Qaraǵandy oblysynyń basshysy qyzmetine deıingi eńbek jolynda ol elimizdiń áleýmettik-ekonomıkalyq damýyna súbeli úles qosty.
Ol árdaıym óndiristegi baı tájirıbesimen jáne bilimimen, joǵary kásibıligimen ári uıymdastyrýshylyq qabiletimen erekshelenetin.
Petr Petrovıch Nefedovtiń jarqyn beınesi bizdiń júregimizde saqtalady», – delingen jedelhatta.
Eske salaıyq, memleket qaıratkeri, Qaraǵandy oblysynyń burynǵy ákimi Petr Nefedov 80 jasynda ómirden ótti.