Ýaqyttyń ajyramas baılanysyn, jańaryp otyratyn qoǵamdaǵy jáne tarıhı kezeńderdegi málimetterdi saqtaıtyn arhıv mekemeleriniń mańyzy zor. Qostanaı óńirindegi ótken ýaqyt tynysyndaı qujattardy oblystyq arhıv mekemeleri shań tıgizbeı, búldirmeı saqtap keledi. Ulttyq muraǵat qory, bul – ýaqyttyń tarıhı eskertkishi jáne halqymyz úshin sarqylmas bulaq bolyp tabylady.
Ýaqyttyń ajyramas baılanysyn, jańaryp otyratyn qoǵamdaǵy jáne tarıhı kezeńderdegi málimetterdi saqtaıtyn arhıv mekemeleriniń mańyzy zor. Qostanaı óńirindegi ótken ýaqyt tynysyndaı qujattardy oblystyq arhıv mekemeleri shań tıgizbeı, búldirmeı saqtap keledi. Ulttyq muraǵat qory, bul – ýaqyttyń tarıhı eskertkishi jáne halqymyz úshin sarqylmas bulaq bolyp tabylady. Qostanaı arhıviniń tarıhy ótken ǵasyrdyń basynan bastaý alady.
1923 jyly qaýly shyqqan aıda-aq oblystaǵy densaýlyq saqtaý mekemelerinen, gýbernııalyq óndiristik atqarý komıtetinen, sharýashylyqtardan, taǵy basqa da mekeme, uıymdardan kólemi 140 put qujattar jınaqtalǵan, olardy saqtaýǵa bar-joǵy bir bólme ǵana bólingen eken, – deıdi oblystyq muraǵattar jáne qujattama basqarmasynyń basshysy Gúljan Mendekenova.
Qazir oblystyq arhıv qorynda qujattary saqtalatyn mekemeler, uıymdar men kásiporyndar sany myń qaraly bolady. Memlekettik arhıvte búginde 5176 qor bar, onda 1 mıllıon 479 myń dana qujat saqtaýly, onyń 44 myńy memlekettik tilde jazylǵan, fotosýretter men beıne, aýdıomaterıaldardyń sany 9 myńǵa jýyq. Mańyzdylyǵyna qaraı, arhıv mekemesi ýaqytpen birge keńeıip, óse tústi. 1939 jyly oblystyq arhıv mekemesinde meńgerýshi, kúzetshi jáne eden jýýshy úsh adam ǵana qyzmet etken eken. Qazir oblystyń arhıv qyzmeti salasynda 228 adam qyzmet isteıdi, olardyń 61 paıyzy joǵary bilimdi, arasynda bir ǵylym kandıdaty da bar.
Qostanaı oblysy arhıv qyzmetiniń 90 jyldyǵyna arnalǵan saltanatty jıynǵa Mádenıet jáne aqparat mınıstrliginiń Aqparat jáne arhıvter komıteti arhıvter men qujattama basqarmasynyń jetekshisi Ǵazıza Isahan qatysyp, oblystaǵy áriptesterin merekesimen quttyqtady. Arhıv qyzmeti salasyna úles qosqan birqatar qyzmetkerler Mádenıet jáne aqparat mınıstriniń, oblys ákiminiń maqtaý gramotalarymen marapattaldy.
Názıra JÁRIMBETOVA,
«Egemen Qazaqstan».
QOSTANAI