Qyzylorda qalasyndaǵy Nazarbaev Zııatkerlik mektebinde «Zııatkerlik mektep oqýshysyna oqýǵa usynylatyn 100 kitap» jobasy aıasynda «Úzdik komıks kitap» baıqaýy ótkizildi, dep habarlaıdy Egemen.kz
Aleksandr Belıaevtiń «Chelovek – amfıbııa» romanyn, Nıkolaı Zaboloskııdiń «Nekrasıvaıa devochka» óleńin, Aleksandr Pýshkınniń «Pıkovaıa dama», Antýan de Sent-Ekzıýperıdiń «Malenkıı prıns» povesteri, Lıýıs Kerrolldyń «Alısa v strane chýdes» ertegisin sekildi álem ádebıetiniń úzdik týyndylaryn zııatkerler komıks tilinde sóıletti.
«Komıks – kitap pen kınony baılanystyratyn sala. Oqýshylar shyǵarmany túsinip oqı otyryp, estetıkalyq talǵam men kreatıvti komıks jasap shyǵarǵan» – deıdi qazylar alqasynyń múshesi, orys tili pániniń muǵalimi AıgúlTalǵatqyzy.
Bul baıqaý oqýshylardyń kitap oqýǵa degen qyzyǵýshylyǵyn arttyryp, shyǵarmashylyq oılaý daǵdysyn damytýǵa úlken septigin tıgizedi.
«Kórkem shyǵarmany oqyp qana qoımaı, komıks álemine alǵashqy qadamdary, kórkem týyndylary meni qýantty. Aldaǵy ýaqytta jyl saıyn baıqaý aýqymyn keńeıte otyryp, turaqty túrde uıymdastyrý týraly oı týdy», deıdi joba úılestirýshisi Aqbota Jumabaeva.
Saıys qorytyndysy boıynsha Injý Nurseıit, Quralaı Seıdázim I oryndy, Fatıma Dinmuhanbetqyzy, Dılnaz Asylbek II oryndy, Arýjan Myrzabekova men Áıgerim Nurtaeva, Álııa Senbaeva III oryndy ıelendi.