2013 jylǵy 12 qarasha, Astana, Úkimet ÚıiMemlekettik avıasııa ınspektorlaryn kásiptik daıarlaý jáne olardyń biliktiligin ustaý qaǵıdalaryn bekitý týraly
«Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 16-6-baby 6-tarmaǵynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:1. Qosa berilip otyrǵan Memlekettik avıasııa ınspektorlaryn kásiptik daıarlaý jáne olardyń biliktiligin ustaý qaǵıdalary bekitilsin. 2. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy 12 qarashadaǵy №1212 qaýlysymen bekitilgen
Memlekettik avıasııa ınspektorlaryn kásiptik daıarlaý jáne olardyń biliktiligin ustaý qaǵıdalary1. Jalpy erejeler1. Osy Memlekettik avıasııa ınspektorlaryn kásiptik daıarlaý jáne olardyń biliktiligin ustaý qaǵıdalary (budan ári – Qaǵıdalar) «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 16-6-baby 6-tarmaǵynyń 3) tarmaqshasyna sáıkes ázirlendi. 2. Osy Qaǵıdalar Qazaqstan Respýblıkasynyń memlekettik avıasııa ınspektorlaryn kásiptik daıarlaý jáne olardyń biliktiligin ustaý tártibin aıqyndaıdy. 3. Osy Qaǵıdalarda paıdalanylatyn negizgi termınder men anyqtamalar: 1) memlekettik avıasııa ınspektory – azamattyq avıasııa salasyndaǵy ýákiletti organnyń (budan ári – ýákiletti organ) áýe keńistigin paıdalaný salasynda memlekettik baqylaý men qadaǵalaýdy júzege asyrýǵa ýákiletti laýazymdy tulǵasy;2) biliktilik – óziniń qyzmettik mindetteri men fýnksııalaryn tıimdi oryndaý úshin talap etiletin bilimniń, daǵdy men mashyqtyń qajetti deńgeıin ıelenýi;3) biliktilik belgisi – kýálikte jasalǵan jáne sonyń bir bóligi bolyp tabylatyn jazba, onda osy kýálikke qatysty erekshe sharttar, quqyqtar nemese shekteýler kórsetiledi; 4) taǵylymdama – azamattyq jáne eksperımenttik avıasııa qyzmetin memlekettik baqylaý men qadaǵalaý ádisterin praktıkalyq ıgerý maqsatynda oqytýdy qamtamasyz etetin tulǵanyń basshylyǵymen memlekettik avıasııa ınspektoryn jumys ornynda oqytý;5) bastapqy daıarlyq – azamattyq jáne eksperımenttik avıasııa salasynda memlekettik baqylaý men qadaǵalaý fýnksııalaryn júzege asyrýy maqsatynda memlekettik avıasııa ınspektoryna kásiptik bilim berý prosesi;6) arnaıy daıarlaý (qaıta daıarlaý) – memlekettik avıasııa ınspektoryn oqytýdyń jańa talaptardyń engizilýine baılanysty jańa (qosymsha) kásiptik bilim, daǵdy men mashyq alýǵa baǵyttalǵan prosesi; 7) kásiptik deńgeıdi ustaý – memlekettik avıasııa ınspektoryn oqytý prosesi, onyń maqsaty kásiptik bilimdi, daǵdy men mashyqty jańartý, keńeıtý jáne tereńdetý bolyp tabylady; 8) teorııalyq daıarlyq – memlekettik avıasııa ınspektoryn kásiptik daıarlaý prosesiniń kezeńi, odan ótken kezde bilim alýshy azamattyq avıasııa salasyndaǵy ýákiletti organ bekitken oqytý baǵdarlamalaryna sáıkes arnaıy teorııalyq bilim alady; 9) trenajerda daıarlaý – memlekettik avıasııa ınspektoryn kásiptik daıarlaý prosesiniń kezeńi, odan ótken kezde bilim alýshy ártúrli jattyqtyrýshy qondyrǵylardyń (avıasııalyq trenajerlar) kómegimen praktıkalyq daǵdy men mashyq alady, saqtaıdy jáne jetildiredi; 10) jeke baǵdarlama – memlekettik avıasııa ınspektory jumysynyń qaǵıdalary men rásimderin zerdeleýge, ınspeksııa nátıjelerin qujattaý, basqa memlekettik organdarmen ózara is-qımyl jasasý, memlekettik avıasııa ınspektorlarynyń óz ókilettigin qoldaný, ushý qaýipsizdigin jáne avıasııalyq qaýipsizdiktiń deńgeıin arttyrýǵa baǵyttalǵan salalyq jáne memlekettik baǵdarlamalardy ázirleý daǵdysyn qalyptastyrý, sondaı-aq avıasııalyq oqıǵalar jáne basqa da qolaısyz jaǵdaılardy tekserý materıaldary negizinde aldyn alý is-sharalaryn ázirleý máselelerin zerdeleýge baǵdarlanǵan baǵdarlama; 11) kýrs – memlekettik avıasııa ınspektoryn oqytý prosesi, onyń maqsaty kásiptik jáne ádistemelik sheberligin jetildirýge baǵyttalǵan bilimi men daǵdylaryn jańartý jáne tereńdetý bolyp tabylady;12) IKAO – halyqaralyq azamattyq avıasııa uıymy.4. Memlekettik avıasııa ınspektorlaryn daıarlaý ýákiletti organ sertıfıkattaǵan avıasııalyq oqý ortalyqtarynda júrgiziledi.5. IKAO-nyń Bas hatshysy bekitken Doc8335 «Paıdalanýshyny ınspeksııalaý, sertıfıkattaý jáne únemi qadaǵalaý rásimderi boıynsha basshylyq» talaptaryna sáıkes memlekettik baqylaý fýnksııalaryn júzege asyrý úshin memlekettik avıasııa ınspektorlary oqytý kezinde mynadaı: 1) ushý óndirisin baqylaýdy qamtamasyz etý;2) áýe kemeleriniń ushý jaramdylyǵyn ustaý; 3) sheteldik avıatasymaldaýshylardyń áýe kemelerin baqylaýdy qamtamasyz etý;4) áýeaılaqtardyń perronynda ushý qaýipsizdigin baqylaýdy qamtamasyz etý;5) áýeaılaqtarda (tikushaq aılaqtarynda) jáne alańdarda ushýdy baqylaýdy qamtamasyz etý;6) áýe tasymalynyń qaǵıdalaryn oryndaýdy baqylaýdy qamtamasyz etý;7) avıasııalyq qaýipsizdikti baqylaýdy qamtamasyz etý;8) ushýdyń avarııalyq-qutqarý qyzmetimen qamtamasyz etilýin baqylaýdy qamtamasyz etý;9) avıasııalyq personalǵa kýálikter berý júıesin baqylaýdy qamtamasyz etý;10) avıasııalyq oqıǵalar men oqys oqıǵalardy tekserýdi baqylaýdy qamtamasyz etý baǵyttary boıynsha jeke máselelerdi tereńdetip zerdeleýdiń qosymsha nemese keńeıtilgen baǵdarlamalaryn ótedi. 6. IKAO Konvensııasyna 1-qosymshanyń talaptaryna sáıkes ózderinde avıasııalyq personaldyń qoldanystaǵy tıisti kýálikteri bolýǵa tıis memlekettik avıasııa ınspektorlary biliktiligin ustaý jáne olardyń qoldanylý merzimin uzartý úshin Qazaqstan Respýblıkasy Úkimetiniń 2011 jylǵy 17 mamyrdaǵy № 532 qaýlysymen bekitilgen Qazaqstan Respýblıkasy azamattyq avıasııasynda ushý jumysyn uıymdastyrý jónindegi qaǵıdaǵa sáıkes oqýdan ótedi.Áýe kemeleriniń ushýyn oryndaýǵa jáne qamtamasyz etýge, olarǵa tehnıkalyq qyzmet kórsetýge, áýe qozǵalysyna qyzmet kórsetýge tikeleı baılanysty memlekettik avıasııa ınspektorlary kásiptik qyzmetke osyndaı qyzmetti júzege asyrý quqyǵyna arnalǵan kýáligi bolǵan jáne densaýlyq jaǵdaıy belgilengen talaptarǵa sáıkes kelgen jaǵdaıda jiberiledi. Mindetti medısınalyq kýálandyrylýǵa jatatyn memlekettik avıasııa ınspektorlaryna densaýlyq jaǵdaıy boıynsha qoıylatyn talaptar Halyqaralyq azamattyq avıasııa uıymynyń (IKAO) standarttary negizinde ázirlengen jáne densaýlyq saqtaý salasy men azamattyq avıasııa salasyndaǵy ýákiletti organdar bekitken Qazaqstan Respýblıkasynyń azamattyq avıasııasyndaǵy medısınalyq kýálandyrý qaǵıdalarynda belgilenedi. Avıasııa personalyna jatatyn adamnyń densaýlyq jaǵdaıynyń sáıkestigi avıasııa personaly kýáliginiń ajyramas bóligi bolyp tabylatyn medısınalyq qorytyndymen rastalady.2. Memlekettik avıasııa ınspektorlaryn kásiptik daıarlaý jáne olardyń biliktiligin ustaý tártibi 7. Memlekettik avıasııa ınspektorlaryn daıarlaý ýákiletti organ bekitken bastapqy daıarlaý jáne biliktilikti arttyrý baǵdarlamalary boıynsha júrgiziledi. Daıarlyqtyń merzimdiligi men kólemin ýákiletti organ belgileıdi. 8. Kásiptik daıarlyq jáne biliktiligin ustaý kýrstarynan ótkennen keıin memlekettik avıasııa ınspektorlaryna avıasııalyq oqý ortalyǵy tıisti kýrsty ótkendigin rastaıtyn qujat (sertıfıkat) beredi. 9. Memlekettik avıasııa ınspektorlarynyń Qazaqstan Respýblıkasynyń zańnamasy talaptarynyń oryndalýyn baqylaý jáne qadaǵalaý, áýe kemelerin jáne olardyń ekıpajdaryn baǵyttar boıynsha ınspeksııalaýdy qosa alǵanda, azamattyq avıasııa uıymdary men kásiporyndarynda ushý qaýipsizdigin qamtamasyz etýdi baqylaý jónindegi fýnksııalardy oryndaýyna belgilengen úlgidegi qujattar (sertıfıkattar, kýálikter, lısenzııalar) berilip, kásiptik daıarlyqtyń tolyq kýrsyn ótkennen keıin ruqsat etiledi. 10. Bastapqy daıarlyq mynadaı mindetti daıarlyq túrlerinen turady:1) memlekettik avıasııa ınspektorynyń daıarlyq deńgeıin eskere otyryp, jeke baǵdarlama boıynsha teorııalyq oqytý jáne azamattyq avıasııa salasyndaǵy ýákiletti organda fýnksıonaldyq mindetteri boıynsha onyń bilimin testileý; 2) ınspektorlyq quramdy tıisti daıarlaý kýrstarynda (bazalyq ınspektorlyq kýrs) oqytý; 3) azamattyq avıasııa salasyndaǵy ýákiletti organnyń tıisti qurylymdyq bólimshesiniń taǵaıyndalǵan adamdarynyń basshylyǵymen sertıfıkattaýdy, tekserýdi, qadaǵalaýdy jáne baqylaýdy oryndaý úshin jumys sharttarynda memlekettik avıasııa ınspektorynyń taǵylymdamasy.11. Biliktiligin arttyrý jáne kásiptik deńgeıdi ustaý mynadaı jolmen júzege asyrylady: 1) azamattyq avıasııa qyzmeti máseleleri boıynsha halyqaralyq azamattyq avıasııa uıymdary ne avıasııalyq oqý ortalyqtary, avıasııalyq tehnıkany óndirýshiler ótkizetin kýrstarǵa, semınarlarǵa, oqytýǵa qatysý; 2) avıasııalyq trenajerlardy paıdalana otyryp, trenajerlik daıarlyqtan ótý.Kásiptik deńgeıdiń rastalýy biliktilik talaptaryna sáıkes testileý jáne belgilengen úlgidegi qujattardy (sertıfıkattar, kýálikter, lısenzııalar) berý arqyly aıqyndalady.12. Arnaıy daıarlyq (qaıta daıarlaý) azamattyq avıasııa salasyndaǵy zańnamada mańyzdy ózgerister, ushýlar qaýipsizdigin, avıasııalyq qaýipsizdikti qamtamasyz etýge qatysty jáne memlekettik avıasııa ınspektorynan jańa bilim men daǵdylardy talap etetin jańa talaptar men rásimder engizilgen jaǵdaılarda júzege asyrylady. 13. Jumys ornyndaǵy taǵylymdama azamattyq avıasııa salasyndaǵy ýákiletti organnyń basshysy taǵaıyndaǵan memlekettik avıasııa ınspektorynyń basshylyǵymen júrgiziledi. Azamattyq avıasııa uıymdary men kásiporyndarynda áýe kemelerin jáne olardyń ekıpajdaryn ınspeksııalaýdy qosa alǵanda, ushý qaýipsizdigin qamtamasyz etýdi baqylaýdy oryndaýǵa alty aı ishinde is júzinde qatyspaǵan memlekettik avıasııa ınspektory ushý qaýipsizdigin qamtamasyz etýdi baqylaýdy júrgizýge taǵylymdamadan ótkennen keıin ǵana jiberiledi. 3. Memlekettik avıasııa ınspektorlaryn kásiptik daıarlaýdy jáne olardyń biliktiligin ustaýdy josparlaý 14. Memlekettik avıasııa ınspektorlaryn kásiptik daıarlaý jáne biliktiligin ustaý qajettiligin ýákiletti organ fýnksıonaldyq jáne alǵa qoıylǵan mindetterdi oryndaý talaptaryn negizge ala otyryp, sondaı-aq shtat kestesine sáıkes kadrlardyń qozǵalysy negizinde aıqyndaıdy. 15. Personaldy oqytýdy josparlaý memlekettik avıasııa ınspektorlaryn teorııalyq jáne praktıkalyq úzdiksiz oqytýdy qamtamasyz etý, sondaı-aq oqý prosesin baqylaýdy jáne retteýdi júzege asyrý maqsatynda júrgiziledi. Memlekettik avıasııa ınspektorlaryn oqytý jospary mynadaı málimetterdi qamtıdy:1) daıarlyq baǵdarlamasynyń ataýy; 2) biliktilikti arttyrý kýrstarynyń ataýy; 3) oqytý nysany (toppen, jeke); 4) oqýshylardyń sany; 5) oqýdyń uzaqtyǵy.4. Kásiptik daıarlyqtan ótý jáne biliktilikti ustaý týraly aqparatty esepke alý 16. Memlekettik avıasııa ınspektorlarynyń kásiptik daıarlyqtan ótýi jáne biliktilikti ustaýy týraly aqparatty esepke alýdy (jazýlardy saqtaýdy) azamattyq avıasııa salasyndaǵy ýákiletti organnyń kadrlar qyzmeti júzege asyrady. Bul rette memlekettik avıasııa ınspektorlarynyń daıarlyǵynyń deńgeıi jáne kásiptik qyzmeti týraly aqparat únemi jandandyrylyp otyrady.