Dál osy saǵattarda Almaty qalasynyń ákimi Baqytjan Saǵyntaevtyń halyqpen kezdesýi ótip jatyr. Júzdesýde ákim 2020 jyldyń qorytyndysy boıynsha megapolıstiń ekonomıkalyq kórsetkishteriniń ósýi qamtamasyz etilgenin atap ótti, dep habarlaıdy Egemen.kz.
О́tken jylǵy áleýmettik-ekonomıkalyq damý qorytyndylary týraly derekti fılmde aıtylǵan derekter boıynsha KVI boıynsha sanıtarlyq-epıdemıologııalyq jaǵdaıdyń turaqtanýy Almaty ekonomıkasynyń bazalyq salalarynda ósýdi qamtamasyz etýge múmkindik berdi. Mysaly, ónerkásiptiń 4,6% - ǵa ósýi qamtamasyz etildi, qurylys jumystarynyń kólemi 10,6% - ǵa ulǵaıdy, turǵyn úıdi paıdalanýǵa berý-14,2% - ǵa, baılanys qyzmetteriniń kólemi 8,2% - ǵa ósti.
«Biz teris (keri) ssenarııdi iske asyrýǵa jol bermedik jáne is júzinde barlyq ekonomıkalyq kórsetkishterdi arttyrdyq. Biz saýdadaǵy, tasymaldaýdaǵy jáne qoımalarda saqtaýdaǵy quldyraýdyń ekonomıkanyń basqa salalaryndaǵy ósimmen ótelýine qol jetkizdik. Sonymen qatar, biz jańa perspektıvaly sektorlardy – sıfrlandyrý men smart-ındýstrııany, kreatıvti ekonomıka men týrızmdi damytýǵa serpin bere aldyq», - dep atap ótti B.Saǵyntaev.
О́tken jyly Almatyda 2,4 mln sharshy metrden astam turǵyn úı paıdalanýǵa berildi. Negizgi kapıtalǵa salynǵan ınvestısııalar kólemi naqty kólemniń 17,2% - ǵa ósýimen 971,2 mlrd teńgege jetti. 76,3 myń jańa jumys orny quryldy, onyń ishinde memlekettik baǵdarlamalar boıynsha – 46,3 myń. Aǵymdaǵy jyly 50 myńǵa jýyq jumys ornyn qurý josparlanýda. Áleýmettik qoldaýǵa erekshe kóńil bólinbek. 28 myńǵa jýyq múmkindigi shekteýli adam ońaltýmen jáne áleýmettik qyzmettermen qamtamasyz etiledi.