2013 jylǵy 12 qarasha, Astana, Úkimet ÚıiMenshik ıesiniń jáne (nemese) operatordyń ózderi júzege asyratyn mindetterdi oryndaý úshin kajetti jáne jetkilikti derbes derekterdiń tizbesin aıqyndaý kaǵıdalaryn bekitý týraly
«Derbes derekter jáne olardy qorǵaý týraly» 2013 jylǵy 21 mamyrdaǵy Qazaqstan Respýblıkasynyń Zańy 26-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:1. Qosa berilip otyrǵan Menshik ıesiniń jáne (nemese) operatordyń ózderi júzege asyratyn mindetterdi oryndaý úshin qajetti jáne jetkilikti derbes derekterdiń tizbesin aıqyndaý qaǵıdalary bekitilsin.2. Osy qaýly 2013 jylǵy 25 qarashadan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
Qazakstan Respýblıkasy Úkimetiniń2013 jylgy 12 karashadaǵy №1214 qaýlysymen bekitilgen
Menshik ıesiniń jáne (nemese) operatordyń ózderi júzege asyratyn mindetterdi oryndaý úshin qajetti jáne jetkilikti derbes derekterdiń tizbesin aıqyndaý qaǵıdalary1. Jalpy erejeler1. Osy Menshik ıesiniń jáne (nemese) operatordyń ózderi júzege asyratyn mindetterdi oryndaý úshin qajetti jáne jetkilikti derbes derekterdiń tizbesin aıqyndaý qaǵıdalary (budan ári – Qaǵıdalar) «Derbes derekter jáne olardy qorǵaý týraly» Qazaqstan Respýblıkasynyń 2013 jylgy 21 mamyrdaǵy Zańynyń (budan ári – Zań) 26-babynyń 3) tarmaqshasyna sáıkes ázirlendi jáne menshik ıesiniń jáne (nemese) operatordyń ózderi júzege asyratyn mindetterdi oryndaý úshin qajetti jáne jetkilikti derbes derekterdiń tizbesin aıqyndaý tártibin belgileıdi.2. Osy Qaǵıdalarda mynadaı negizgi uǵymdar paıdalanylady:1) derbes derekter – málimetter negizinde aıqyndalǵan nemese aıqyndalatyn derbes derekter sýbektisine qatysty, elektrondyq, qaǵaz jáne (nemese) ózge de materıaldyq jetkizgishte tirkelgen sol málimetter;2) derbes derekterdi jınaý – derbes derekterdi alýǵa baǵyttalǵan is-áreketter;3) derbes derekterdi qamtıtyn bazanyń menshik ıesi (budan ári – menshik ıesi) – derbes derekterdi qamtıtyn bazany Qazaqstan Respýblıkasynyń zańdaryna sáıkes ıelený, paıdalaný jáne oǵan bılik etý quqyǵyn iske asyratyn memlekettik organ, jeke jáne (nemese) zańdy tulǵa;4) derbes derekterdi qamtıtyn bazanyń operatory (budan ári – operator) – derbes derekterdi jınaýdy, óńdeýdi jáne qorǵaýdy júzege asyratyn memlekettik organ, jeke jáne (nemese) zańdy tulǵa;5) derbes derekterdi óńdeý – derbes derekterdi jınaqtaýǵa, saqtaýǵa, ózgertýge, tolyqtyrýǵa, paıdalanýǵa, taratýǵa, ıesizdendirýge, buǵattaýǵa jáne joıýǵa baǵyttalǵan is-áreketter;6) derbes derekter sýbektisi – derbes derekter tıesili jeke tulǵa;7) jalpyǵa birdeı qoljetimdi derbes derekter – sýbektiniń kelisimimen erkin qol jetkizýge bolatyn nemese Qazaqstan Respýblıkasynyń zańnamasyna sáıkes qupııalylyqty saqtaý talaptary qoldanylmaıtyn derbes derekter;8) qoljetimdiligi shekteýli derbes derekter – Qazaqstan Respýblıkasynyń zańnamasymen qoljetimdiligi shektelgen derbes derekter.2. Menshik ıesiniń jáne (nemese) operatordyń ózderi júzege asyratyn mindetterdi oryndaý úshin kajetti jáne jetkilikti derbes derekterdiń tizbesin aıkyndaý tártibi3. Menshik ıesi jáne (nemese) operator «Derbes derekter jene olardy qorǵaý týraly» Qazaqstan Respýblıkasynyń Zańymen (budan ári – Zań) jáne Qazaqstan Respýblıkasynyń ózge de normatıvtik quqyqtyq aktilerimen belgilengen tártippen derbes derekterdi jınaýdy, óńdeýdi júzege asyrady.4. Zańnyń 9-babynda kózdelgen jaǵdaılardy qospaǵanda, derbes derekterdi jınaýdy, óńdeýdi sýbektiniń nemese onyń zańdy ókiliniń kelisimimen menshik ıesi jáne (nemese) operator júzege asyrady. Sýbekt nemese onyń zańdy ókili derbes derekterdi jınaýǵa, óńdeýge jazbasha nemese elektrondyq kujat nysanynda ne Qazaqstan Respýblıkasynyń zańnamasyna qaıshy kelmeıtin qorǵaý is-áreketteriniń elementin qoldaný arqyly ózge de tásilmen kelisim beredi (keri qaıtaryp alady).5. Derbes derekter tizbesi Zańnyń 3-babynyń 3-tarmaǵynda kózdelgen jaǵdaılardy qospaǵanda, menshik ıesiniń jáne (nemese) operatordyń zańnamada belgilengen fýnksııalaryn, ókilettilikterin jáne mindetterin júzege asyrýǵa tikeleı baılanysty maqsattar úshin qoldanylady.6. О́zderi júzege asyratyn mindetterin oryndaý úshin qajetti jáne jetkilikti derbes derekter tizbesinde kórsetilgen málimetterdi jalpy qoljetimdi nemese qol jetkizý shektelgen derekterge jatqyzýdy Qazaqstan Respýblıkasynyń zańnamasyna sáıkes menshik ıesi jáne (nemese) operator júzege asyrady.Menshik ıesi jáne (nemese) operator ózderi júzege asyratyn mindetterdi oryndaý úshin qajetti jáne jetkilikti derbes derekterdiń tizbesin aıqyndaý kezinde derbes derekterdi jınaý, óńdeý jáne qorǵaý kelesi qaǵıdattaryn basshylyqqa alýy qajet:1) adamnyń jáne azamattyń konstıtýsııalyq quqyqtary men bostandyqtaryn saqtaý;2) zańdylyq;3) qoljetimdiligi shekteýli derbes derekterdiń qupııalylyǵy;4) sýbektiler, menshik ıeleri jáne operatorlar quqyqtarynyń teńdigi;5) jeke bastyń, qoǵamnyń jáne memlekettiń qaýipsizdigin qamtamasyz etý.7. О́zderi júzege asyratyn mindetterdi oryndaýy úshin qajetti jáne jetkilikti derbes derekterdiń tizbesin aıqyndaý maqsatynda menshik ıesi jáne (nemese) operator derbes derekter tizbesin aıqyndaý jónindegi jumysty uıymdastyrýǵa jaýapty adamdardy (budan ári – jaýapty adam) taǵaıyndaıdy. Jaýapty adamdy taǵaıyndaý tıisti qujatpen resimdeledi.Jaýapty adam menshik ıesiniń jáne (nemese) operatordyń júzege asyrylyp otyrǵan mindetterin taldaıdy, odan keıin derbes derekter tizbesin aıqyndaý týraly usynys daıyndaıdy. Menshik ıesi jáne (nemese) operator jaýapty adamnyn usynysyn karaıdy jáne derbes derekter tizbesin bekitý týraly sheshim qabyldaıdy nemese jaýapty adamga pysyqtaýga qaıtarady.Jaýapty adamdar taǵaıyndalgan sátten bastap usynystar daıyndaý merzimi otyz kúntizbelik kúnnen aspaýy qajet.Pysyqtaýǵa qaıtarylgan jaǵdaıda jaýapty adam derbes derekterdiń tizbesin bes jumys kún ishinde pysyqtaıdy jáne menshik ıesine jáne (nemese) operatorǵa bekitýge qaıta engizedi.8. Menshik ıesi jáne (nemese) operator aǵymdaǵy qyzmet nátıjeleri boıynsha olardyń qajettiligin negizdeı otyryp nemese olardyń shynaıylygyn rastaıtyn tıisti qujattar negizinde derbes derekter tizbesine olar júzege asyratyn mindetterdi oryndaý úshin qajetti jáne jetkilikti ózgerister men tolyqtyrýlar engize alady.О́zderi júzege asyratyn mindetterin oryndaýy úshin qajetti jáne jetkilikti derbes derekter tizbesine engizilgen ózgerister men tolyqtyrýlar olardy qoldanysqa engizgen sátten bastap qoldanylady jáne ony qoldanysqa engizgenge deıin týyndaǵan qatynastarǵa qoldanylmaıdy.9. О́zderi júzege asyratyn mindetterdi oryndaý úshin menshik ıesi jáne (nemese) operator derbes derekter tizbesinde aıqyndaǵan qajetti jáne jetkilikti derbes derekterdi paıdalaný tek olardy jınaýdyń buryn málimdelgen maqsattarynda ǵana júzege asyrylýy tıis.10. Menshik ıesi jáne (nemese) operator Qazaqstan Respýblıkasynyń zańnamasyna sáıkes ózderi júzege asyratyn mindetterdi oryndaý úshin qajetti jáne jetkilikti tizbede kórsetilgen derbes derekterdiń qupııalylyǵyn qamtamasyz etedi.