Áleýmettik jelilerde Baıanaýyl ulttyq saıabaǵynda júrgen sileýsinniń vıdeosy taralǵan edi, dep habarlaıdy Egemen.kz
Baıanaýyl memlekettik ulttyq tabıǵı saıabaǵynyń Ekskýrsııa jónindegi nusqaýshy memlekettik ınspektory Altynbek Qurmanov saıabaqta sileýsin de, bulan, arqar, qaban da bar ekenin atap ótti. Olardyń bári erekshe qorǵalǵan.
– Bizde monıtorıng júrgizetin ǵylymı bólim bar. Kún saıyn qyzmetkerler kórgen ańdaryna esep júrgizip, ǵylymı bólimge tapsyryp otyrady. Bizde mekendeıtin ańdardyń qansha bar ekenin, olardyń azyǵy bar-joǵyn anyqtap otyramyz, – deıdi Altynbek Qurmanov.
Inpektordyń aıtýynsha, qys aılarynda saıabaqta ańdar sany kóbeıedi.
– Sileýsinder taýda qoıan aýlap jeıdi. О́z betimen ómir súre alady. Azyǵy bar bolǵan soń júr. Jalpy, Baıanaýylda qys aılarynda demalýshylar bolmaıdy. Sondyqtan ańdardyń kóbi kele bastaıdy. Jazda dańǵyr-dúńgir mýzyka bolady. Ańdar tynysh jaqqa ketip qalady, – deıdi Altynbek Qurmanov.