2013 jylǵy 13 qarasha, Astana, Úkimet Úıi «Gaz jáne gazben jabdyqtaý salasyndaǵy memlekettik-jeke menshik áriptestik sheńberinde ilespe gazdy ınvestorlarǵa berýdiń qaǵıdalary men sharttaryn bekitý týraly» Qazaqstan Respýblıkasy Úkimetiniń 2012 jylǵy 5 shildedegi № 913 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:1. «Gaz jáne gazben jabdyqtaý salasyndaǵy memlekettik-jeke menshik áriptestik sheńberinde ilespe gazdy ınvestorlarǵa berýdiń qaǵıdalary men sharttaryn bekitý týraly» Qazaqstan Respýblıkasy Úkimetiniń 2012 jylǵy 5 shildedegi № 913 qaýlysyna (Qazaqstan Respýblıkasynyń PÚAJ-y, 2012 j., № 62, 855-qujat) mynadaı ózgerister engizilsin:taqyryby mynadaı redaksııada jazylsyn:«Gaz jáne gazben jabdyqtaý salasyndaǵy áriptestik sheńberinde ilespe gazdy ınvestorlarǵa berý qaǵıdalary men sharttaryn bekitý týraly»;1-tarmaq mynadaı redaksııada jazylsyn:«1. Qosa berilip otyrǵan Gaz jáne gazben jabdyqtaý salasyndaǵy áriptestik sheńberinde ilespe gazdy ınvestorlarǵa berý qaǵıdalary men sharttary bekitilsin.»;kórsetilgen qaýlymen bekitilgen Gaz jáne gazben jabdyqtaý salasyndaǵy memlekettik-jeke menshik áriptestik sheńberinde ilespe gazdy ınvestorlarǵa berýdiń qaǵıdalary men sharttary osy qaýlyǵa qosymshaǵa sáıkes jańa redaksııada jazylsyn.2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 13 qarashadaǵy №1223 qaýlysyna qosymshaQazaqstan Respýblıkasy Úkimetiniń 2012 jylǵy 5 shildedegi №913 qaýlysymen bekitilgen
Gaz jáne gazben jabdyqtaý salasyndaǵy áriptestik sheńberinde ilespe gazdy ınvestorlarǵa berý qaǵıdalary men sharttary1. Jalpy erejeler1. Osy Gaz jáne gazben jabdyqtaý salasyndaǵy áriptestik sheńberinde ilespe gazdy ınvestorlarǵa berý qaǵıdalary men sharttary (budan ári – Qaǵıdalar) «Gaz jáne gazben jabdyqtaý týraly» Qazaqstan Respýblıkasynyń Zańyna (budan ári – Zań) sáıkes ázirlendi.2. Qaǵıdalar gaz jáne gazben jabdyqtaý salasyndaǵy áriptestik sheńberinde ilespe gazdy (budan ári – ilespe gaz) ınvestorlarǵa berý tártibi men sharttaryn aıqyndaıdy.3. Gaz jáne gazben jabdyqtaý salasyndaǵy áriptestiktiń maqsaty memleketke tıesili ilespe gazdy utymdy paıdalanýdy jáne ony keıin tereń óńdeýdi jáne ózara tıimdi sharttarda qosylǵan quny joǵary ónimder óndirýdi qamtamasyz etý jónindegi strategııalyq jáne áleýmettik mindetterdi sheshý úshin memleket pen ınvestor arasyndaǵy ózara tıimdi is-qımylǵa qol jetkizý bolyp tabylady.4. Osy Qaǵıdalarda paıdalanylatyn termınder men uǵymdar Zańǵa sáıkes qoldanylady.5. Memleketke tıesili ilespe gazdy utymdy paıdalaný maqsatynda áriptestik sheńberinde ınvestorlarǵa berý:1) ilespe gazdy keıin taýarlyq, suıytylǵan munaı jáne (nemese) suıytylǵan tabıǵı gaz etip óńdeý;2) Qazaqstan Respýblıkasynyń ishki qajettilikterin birinshi kezektegi tártippen, onyń ishinde Qazaqstan Respýblıkasyn gazdandyrýdyń bas shemasyn eskere otyryp qanaǵattandyrý úshin taraptar aıqyndaǵan kólemderde óndirilgen taýarlyq, suıytylǵan munaı jáne (nemese) suıytylǵan tabıǵı gazdy jetkizý sharttaryna sáıkes júzege asyrylady.6. Taýarlyq jáne (nemese) suıytylǵan munaı gazyn Zańnyń 16-babynyń 3-tarmaǵyna sáıkes gaz jáne gazben jabdyqtaý salasyndaǵy áriptestik sheńberinde odan ári paıdalaný úshin tartylatyn ınvestorǵa berý týraly ýákiletti organnyń sheshimi ınvestorǵa munaı-, gaz-hımııa ónimin, sondaı-aq joǵary qosylǵan qunmen óndirý boıynsha mindettemeler bekitilgen jaǵdaıda ǵana qabyldanady jáne osy Qaǵıdalarda belgilengen jalpy sharttarǵa sáıkes júzege asyrylady.2. Áriptestik sheńberinde ilespe gazdy ınvestorlarǵa berý tártibi7. Ýákiletti organnyń sheshimimen Zańnyń 16-babynyń 1-tarmaǵynda kórsetilgen ilespe gaz tikeleı jer qoınaýyn paıdalanýshynyń ózi kórsetken ınvestorǵa 2011 jylǵy 1 qańtardaǵy jaǵdaı boıynsha jaǵylatyn ilespe gazdyń kólemderinen aspaıtyn taraptar aıqyndaǵan kólemde gazben jabdyqtaý salasyndaǵy áriptestik sheńberinde Qazaqstan Respýblıkasynyń aýmaǵynda óńdeýshi óndiristi salýdy nemese turǵyzýdy kózdeıtin sharttyń negizinde tartylatyn ınvestordyń menshigine óteýsiz beriledi.8. Jer qoınaýyn paıdalanýshy óńdeý múmkindigi bolmaǵan kezde ilespe gaz kólemderiniń ulǵaıýyna ákep soǵatyn munaı óndirýdi ulǵaıtý nıeti bolǵan kezde ilespe gazdyń osy kólemderi áriptestik týraly shartta kózdelgen talaptarǵa sáıkes ınvestorǵa berý úshin óteýsiz negizde memleketke nemese shıki gazdy berý úshin kózdelgen Zańnyń 15-babynyń erejelerine sáıkes ulttyq operatorǵa túsedi.3. Ýákiletti organnyń, ınvestordyń jáne jer qoınaýyn paıdalanýshynyń ózara qarym-qatynas jasaýynyń sharttary9. Ilespe jáne (nemese) tabıǵı gazdy tereń óńdeýdi uıymdastyrý maqsatynda jer qoınaýyn paıdalanýshy birlesken qyzmet týraly sharttyń negizinde áriptestikte ınvestordyń jaǵynda áreket ete alady.10. Áriptestik sheńberinde ınvestor ótkizý tártibi men sharttaryn ýákiletti organ belgileıtin konkýrstyń negizinde aıqyndalady.11. Jekelegen eldi mekenderdi gazdandyrý jáne (nemese) gaz óńdeý salasyndaǵy jańa tehnologııalar men jabdyqtardy tartý maqsatynda konkýrsty ótkizbeı, ýákiletti organnyń sheshimi negizinde naqty ınvestormen gaz jáne gazben jabdyqtaý salasyndaǵy pılottyq jobalardy iske asyrý júrgiziledi. Áriptestik týraly shartty ýákiletti organ ınvestormen nemese ınvestormen jáne jer qoınaýyn paıdalanýshymen jasasady jáne onda osy Qaǵıdalardyń 4-bóliminde belgilengen sharttar qamtylýǵa tıis.12. Osy Qaǵıdalardyń 7-tarmaǵynyń 2) tarmaqshasynda belgilengen jaǵdaılarda ýákiletti organ men jer qoınaýyn paıdalanýshy ilespe gazdyń kólemderin memleketke óteýsiz negizde ne jer qoınaýyn paıdalanýshy ilespe gazdy óndirýge arnalǵan shyǵyndardy aqyly negizde júzege asyrǵanda berý jónindegi aldyn ala shartty jasasady. Osy aldyn ala shart ınvestormen gaz jáne gazben jabdyqtaý salasyndaǵy áriptestik sheńberinde pılottyq joba boıynsha kelissózder júrgizý úshin negiz bolyp tabylady.Ilespe gaz memleketke aqyly berilgen jaǵdaıda osyndaı gazdyń baǵasy ýákiletti organ strategııalyq josparlaý, bıýdjet saıasatyn ázirleý jáne qalyptastyrý salasyndaǵy basshylyqty jáne salaaralyq úılestirýdi júzege asyratyn memlekettik organmen birlesip júrgizetin saraptamamen rastalýǵa jáne konkýrs nemese pılottyq joba sharttarynda kórsetilýge tıis.13. Shartta munaı jáne (nemese) tabıǵı gaz óndirýdiń jobalyq kórsetkishteri eskere otyryp, óndirýge arnalǵan kelisimsharttyń qoldanylý merzimi ishinde ilespe jáne (nemese) tabıǵı gaz berý kólemderin kózdelýge tıis.14. Investor aıqyndalǵan kúnnen bastap eki aıdan keshiktirilmeı aldyn ala shart gazdy irikteý ornyn jáne ózge de sharttardy kórsetip, ýákiletti organnyń, ilespe jáne (nemese) tabıǵı gaz kólemderin beretin jer qoınaýyn paıdalanýshynyń, osyndaı gazdy irikteýdi júzege asyratyn ınvestordyń arasyndaǵy úshjaqty shartqa aýystyrýǵa jatady.15. Áriptestik jónindegi úshjaqty sharttyń talaptaryna sáıkes jer qoınaýyn paıdalanýshy áriptestik sheńberindegi ınvestordyń óńdeýshi óndiristi salý nemese turǵyzý merziminiń ishinde, biraq úsh jyldan kóp emes osy Qaǵıdalardyń 17-tarmaǵynda kórsetilgen ilespe jáne (nemese) tabıǵı gaz kólemderine qatysty memlekettiń agenti bolyp áreket etedi.16. Ýákiletti organ belgilengen tártippen memleket agentine memleketke tıesili ilespe gaz kólemderin jaǵýǵa ruqsat beredi.Áriptestik týraly úshjaqty shart jasalǵan kezde memleketke tıesili jaǵylatyn gaz kólemderine bıýdjetke tólenetin tólemder rejımi Qazaqstan Respýblıkasynyń zańnamasymen retteledi.17. Investor áriptestik sheńberinde óńdeýshi óndiristi salý nemese turǵyzý merzimi ishinde josparǵa sáıkes memleketke kepildik bolatyn jáne quny áriptestikti uıymdastyrý úshin memleketke berilgen ilespe jáne (nemese) tabıǵı gazdy jaǵýdy júrgizgen jer qoınaýyn paıdalanýshylardan túsken tólemderden bıýdjettiń shyǵyndarynan tómen bolmaıtyn jabdyqty obektige jetkizýdi qamtamasyz etýge mindetti.Investor jyldar boıynsha bólingen jabdyqtardy jetkizý josparlaryn ýákiletti organmen kelisedi jáne olar áriptestik týraly sharttyń ajyramas bóligi bolyp tabylady.18. Investor ótkizý, ýaqytsha saqtaý, jetkizý jáne t.b. jónindegi osyǵan ilespe barlyq mindettemelerdi ózine qabyldaǵan kezde taýarlyq qana emes, suıytylǵan gazdy da, sondaı-aq ózge de munaı-, gaz-hımııa, sondaı-aq qosylǵan quny joǵary ónimder óndirisi áriptestik týraly sharttyń talaptary bola alady.19. Áriptestik týraly shart ınvestormen on jyldan aspaıtyn merzimge jasalady. Áriptestik týraly sharttyń merzimi ótkennen keıin ınvestor úshin jobanyń ótimdiligine qol jetkizýdi eskere otyryp, Qazaqstan Respýblıkasy úshin ekonomıkalyq paıdany ulǵaıtý boıynsha sharalar qabyldaýmen shart qaıta qaralýǵa tıis.20. Ýákiletti organnyń sheshimi boıynsha áriptestik týraly shart jer qoınaýyn paıdalanýshymen jasalǵan óndirýge arnalǵan kelisimshart merzimine jasalýy múmkin.21. Áriptestik týraly sharttyń qoldanylý merzimin belgileý kezinde tehnıkalyq-ekonomıkalyq negizdemeniń sharttary, onyń ishinde ınvestısııalyq jobanyń ótelý merzimi eskeriledi.4. Áriptestik týraly sharttyń talaptary22. Áriptestik sheńberinde ýákiletti organmen jasalatyn shart (budan ári – shart) mynadaı talaptardy:1) anyqtamalardy;2) sharttyń mánin;3) sharttyń qoldanylý merzimin;4) taraptardyń jalpy quqyqtary men mindetterin;5) jobany qarjylandyrýdy;6) qyzmetti saqtandyrýdy;7) qaýipsizdik pen óndiriletin ónimniń belgilengen sapa standarttaryna sáıkestigin;8) ınvestordyń shart talaptaryn buzǵany úshin múliktik jaýapkershiligin, onyń ishinde ınvestor jetkizetin jabdyqtyń memleket menshigine aýysý sharttary men merzimderin;9) óndirilgen ónimdi ishki naryqqa jetkizý kólemderi men baǵasy boıynsha mindettemelerdi;10) shart boıynsha quqyqtar men mindetter berýdi;11) daýlardy sheshý tártibin;12) shartty uzartý jáne onyń qoldanylýyn toqtatý talaptaryn;13) sharttyń tilin qamtýǵa tıis.23. Shart ilespe gazdy taýarlyq jáne (nemese) suıytylǵan gaz etip óńdeý boıynsha mindettemelerdi, sondaı-aq birinshi kezektegi tártippen:shart qoldanylatyn búkil merzimge kommýnaldyq muqtajdarǵa arnalǵan retteletin baǵalar boıynsha Qazaqstan Respýblıkasyn gazdandyrýdyń bas shemasyn eskere otyryp, Qazaqstan Respýblıkasynyń ishki qajettilikterin;Qazaqstan Respýblıkasynyń joǵary tehnologııalar salasyndaǵy ishki qajettilikterin qanaǵattandyrý úshin óndirilgen taýarlyq (onyń bir bóligin) jáne (nemese) suıytylǵan gazdy jetkizýdi qamtýǵa tıis.24. Shart osy Qaǵıdalardyń 19-tarmaǵyna sáıkes taýarlyq jáne (nemese) suıytylǵan gazdy, sondaı-aq ózge de ónimdi paıdalanýdyń basqa sharttary men baǵyttaryn qamtýy múmkin.25. Shart qazaq jáne orys tilderinde jasalýǵa tıis. Taraptardyń kelisimi boıynsha sharttyń mátini ózge tilge de aýdarylýy múmkin.26. Investorlardyń sharttardyń talaptaryn oryndaýyn baqylaýdy jáne monıtorıngin ýákiletti organ júzege asyrady.