Úlken Shyǵys (Fransııa) О́ńirlik keńesi tóraǵasynyń birinshi orynbasary Jan-Lıýk Bol Qazaqstanmen jan-jaqty yntymaqtastyqty damytýǵa múddeliligin bildirdi, dep habarlaıdy Egemen.kz
Tarıhı damyǵan Elzas, Lotarıngııa, Shampan, Vogez aımaqtaryn qamtıtyn Úlken Shyǵys qýatty ekonomıkalyq áleýetke ıe. Avtokólik jasaý, joǵary tehnologııalyq mashına jasaý, metallýrgııa, aýyl sharýashylyǵy ónimderi jáne damyǵan «jasyl ekonomıka» jyl saıyn óńirlik IJО́-niń 150 mlrd eýroǵa deıin óndirip, Úlken Shyǵysty Fransııadaǵy jetekshi pozısııaǵa shyǵarýda. Sondaı-aq 5,5 mln halqy jáne Shveısarııamen shamalas aýmaǵy bar óńir álemdik naryqtaǵy básekelestik artyqshylyqtaryn senimdi túrde saqtap otyr.
Qazaqstannyń Bas konsýly Ánýarbek Ahmetov osy óńir basshylyǵynyń ókilin Qazaqstandaǵy aǵymdaǵy jaǵdaımen, Memleket basshysy júrgizip otyrǵan saıası baǵytpen, sondaı-aq elimizdiń ekonomıkalyq áleýetimen egjeı-tegjeıli tanystyrdy.
Taraptar birlesken jumys josparlaryn talqylap, yntymaqtastyqtyń neǵurlym keleshegi mol baǵyttaryn, ıaǵnı kóliktik mashına jasaý, jańartylatyn energetıka, aýyl sharýashylyǵy, tamaq ónerkásibi, «jasyl ekonomıka» jáne sıfrlandyrýdy aıqyndady.
Kelissózderdiń maqsaty bolashaqta Qazaqstanda jáne Úlken Shyǵysta jańa jumys oryndaryn qurýǵa, olardyń básekelestik artyqshylyqtaryn nyǵaıtýǵa múmkindik beretin yqtımal birlesken jobalardy izdestirý boldy.
Sonymen qatar, J-L.Bol Qazaqstanmen óńirlik deńgeıde, ákimdiktermen jáne kompanııalarmen naqty jáne ataýly jumys isteýge daıyn ekenin bildirdi. Máselen, Aral teńiziniń qalpyna keltirilýine múddeli bola otyryp, ol óńirdiń qorshaǵan ortany qorǵaý salasyndaǵy tájirıbesin atap ótti.
Fransýz tiline aýdarylǵan Abaı shyǵarmalarynyń jınaǵyn syıǵa alǵan saıasatker uly aqyn ári oıshyldyń shyǵarmashylyǵyna shynaıy qyzyǵýshylyq tanytty.