Elimizde taralǵan indetke baılanysty qashyqtan bilim berý júıesi - BilimLand platformasynda jalǵasty. Shymkenttik muǵalimder aqparattyq tehnologııanyń barlyq múmkindikterin jyldam ıgerip, onlaın oqytýda respýblıkada kósh bastady. Mundaı nátıjege Dılbar Narmetova sekildi ustazdardyń iskerligi men jańashyldyqqa ıkemdiliginiń arqasynda qol jetip otyr, dep habarlaıdy Egemen.kz.
Dılbar Anarqulqyzy qaladaǵy №45 mektep-gımnazııasynda bastaýysh synyptarda bilim beredi. Únemi izdenis ústinde júrip, jańalyqqa jany jaqyndyǵynyń arqasynda qashyqtan bilim berýde BilimLand platformasynda respýblıkadada birinshi oryndy ıelendi.
Jas urpaqqa bilim berý jolynda 12 jyldan beri aıanbaı eńbektenip kelgen ustazdyń óz biliktiligin shyńdaý jolynda da birqatar jetistikke jetken. Praga qalasyndaǵy halyqaralyq pedagogıkalyq- ǵylymı jýrnalda eńbekteri jaryq kórdi. 2019 jyly «Oqý men tárbıe isiniń úzdik ustazy» tósbelgisimen marapattalǵan. Dılbar apaı tárbıelegen oqýshylar «Ponı» sekildi halyqaralyq jarystar men «Altyn urpaq», «Altyn qyran» olımpıadalarynda jeńimpaz bolyp kelgen.
Ol oqytý barysynda oqýshylarǵa sabaq túsindirýde ártúrli medodıkalyq ádisterdi qoldanady. Budan bólek, ustazdyń balalardyń ata-analarmen qarym-qatynastaǵy ashyqtyǵy bala tárbıesinde oń nátıjesin kórsetip keledi.