Aqynnyń óner mektebi ashylady

Jańa mekteptiń jumysy oqýshylardy aqyndyq pen aıtys ónerine baýlý, sóıleý jáne jazý mádenıetine úıretý, kórkemsóz ben mánerlep oqý, dástúrli áýen, maqam-sazdardy nasıhattaý baǵytynda bolmaq. Sondaı-aq munda salt-dástúr, ulttyq qundylyqtar jóninde dárister, praktıkalyq jumystar ótkiziledi dep josparlanǵan.

Jańa bastama týraly Qa­dyr Myrza Áli atyndaǵy ob­lystyq mádenıet jáne óner or­ta­lyǵynda talqylaý ótip, or­talyq dırektory Baýyrjan Ha­lıolla Jansaıa Mýsınanyń óner mektebin ashý jónindegi bas­tamany qoldaıtynyn, jan-jaq­ty qoldaý kórsetetinin jet­kizdi. «Bastamany júzege asy­rýǵa Jansaıanyń qarym-qabi­le­ti, tájirıbesi tolyq jetedi. So­nymen qatar bul óner mek­te­­bi jahandanýdyń elimizge tıgi­zer keri áserine, bar ýaqytyn uıaly telefonmen, kompıýtermen ótki­zetin oqýshylardyń «ǵalamtor dertine» toıtarys bere alady», dep sanaıdy Baýyrjan Ergenuly.

Jansaıa Mýsına bolashaq óner mektebiniń jumysyn jolǵa qoıýda jan-jaqty qoldaý jasap otyrǵan Qadyr ortalyǵynyń ujymyna zor alǵysyn aıtty. Ur­paq tárbıesi, ult múddesi jolynda aıanbaı qyzmet etetinin ortaǵa saldy.

Qazir atalǵan úıirmelerdi júrgizý úshin oblystaǵy belgili óner ıelerimen, tájirıbeli mamandarmen kelissózder júrýde. Jospar naqtylanyp, kelissózder aıaqtala kele, jýyq arada óner mektebi óz jumysyn bastaıdy.

– Mektep oqýshylaryna ar­nal­ǵan mundaı shyǵarmashylyq aqyly úıirmeler burynnan bar, halyqqa tańsyq emes. Bi­raq olar mundaı keshendi bol­maǵan, ónerdiń bir baǵytyna ǵana baý­lı alatyn. Mysaly, Qa­ra­qat Ábildınanyń, Sáýle Jan­pe­ıi­sovanyń, Altynbek Qo­raz­baevtyń t.b. óner mektepteri jeke stýdııa túrinde qyzmet etip, negizinen ánshilikke úıretedi. Al Jansaıa ashqaly otyrǵan mek­tepte birneshe óner keshendi túr­de, bir-birimen baılanys­ty­ra qarastyrylady. Buǵan biz­diń Qadyrsaraıdyń bazasy to­lyq múmkindik beredi, – deıdi Baýyr­jan Halıolla.

Aıta keteıik, jalpy ustazdyq degen Jansaıa Mýsına úshin tyń kásip emes. О́ıtkeni ol kóp jyldan beri Mahambet О́temisuly atyndaǵy Batys Qazaqstan mem­lekettik ýnıversıtetinde oqy­týshy bolyp qyzmet etedi.

Batys Qazaqstan oblysy