Almatyda Ulttyq kitaphanada elimiz Táýelsizdiginiń 30 jyldyǵyna oraı «Qazaqstannyń jazba mádenıeti ýaqyt aǵymynda: jazý tarıhy jáne jazý eskertkishteriniń jandanýy» taqyrybyna arnalǵan kórmesi ótti, dep habarlaıdy Egemen.kz
«Qyrym araly» ǵylymı-restavrasııalaý zerthanasymen birlesip uıymdastyrylǵan kórme sonymen qatar Orta Azııa men Qazaqstan aýmaǵynda hattyń paıda bolýy men damýyna arnalǵan derektermen tolyqty.
Ulttyq kitaphananyń ekspozısııalyq-qujattyq kórmelerinde respýblıkanyń ǵylym men tehnıka, halyqaralyq qatynastar, ekonomıka jáne saıasat salasyndaǵy táýelsizdik alǵan sátten bastap qazirgi ýaqytqa deıingi jetistikterin ashyp kórsetetin qazaqstandyq jáne sheteldik avtorlardyń kitaptary keńinen usynylǵan.
Kórmeniń saltanatty ashylýynda QR Ulttyq kitaphanasynyń dırektory B.Ospanova, «Qyrym araly» ǵylymı-restavrasııalaý zerthanasynyń dırektory Qyrym Altynbekov, QR Prezıdenti Arhıviniń dırektory D.Abdýkadyrova, IýNESKO aıasyndaǵy Halyqaralyq mádenıetterdi jaqyndastyrý ortalyǵy dırektorynyń orynbasary A.Sydyqov, IýNESKO aıasyndaǵy mádenıetterdi jaqyndastyrý ortalyǵynyń bas ǵylymı qyzmetkeri V. A. Novojenov, elimizdiń úzdik ekskýrsovody B.Orazymbetova qatysty. Saltanatty sharada Qazaqstannyń halyq ártisi Murat Serkebaevtyń jetekshiligimen Almaty qalasy ákiminiń konserttik orkestri kvarteti repertýaryndaǵy shyǵarmalar oryndaldy.
Is-sharaǵa muraǵattar, murajaılar basshylary, ǵylymı jáne shyǵarmashylyq zııaly qaýym, JOO oqytýshylary men stýdentteri, BAQ jáne qala kitaphanashylary qatysty.