Aýa raıynyń kenetten ózgerýine baılanysty qala turǵyndaryn maýsymaralyq joryqtardyń qaýiptiligi týraly eskertken Almaty qalasy Týrızm basqarmasy basshysynyń orynbasary Marat Aınabekov pen Almaty qalasy Qutqarý qyzmetiniń basshysy Dmıtrıı Chýhonsev О́KQ-de ótken brıfıngte apattyń aldyn alý sharalary týraly málimdedi.
Bogdanovıch muzdyǵy úlken Talǵar asýynan ońtústik-batysqa qaraı Ile Alataýynyń Kishi Almaty sileminde ornalasqan.Teńiz deńgeıinen 3160-3360 m bıiktikte ornalasqan Bogdanovıch muzdyǵynyń aýmaǵynda qaladan jaqsy kórinetin kóptegen ádemi shyńdar bar. Aýdannyń basty shyńy men eń bıik núktesi - Nursultan shyńy, bıiktigi 4376 m. Bul shyń - Ile Alataýynyń eń ádemi shyńy jáne Almatynyń vızıt kartochkasy bolyp tabylady. Bogdanovıch muzdyǵy sırkiniń basqa da belgili shyńdary: Abaı shyńy, Shkolnık shyńy, Chkalov shyńy, Fızkýltýrnık shyńy, Amangeldi shyńy, Pıoner shyńy, Qarlytaý shyńy bolyp tabylady.
Almaty qalasy týrızm basqarmasy basshysynyń orynbasary Marat Aınabekov taýly aýmaqta qar kóshkini men sel júrý yqtımaldyǵy artatyndyǵyn aıtyp, aldyn ala jaýyn-shashynnyń yqtımaldyǵyn árdaıym tekserip, sapar ýaqytyn esepteý qajetigine kóńil bólýdi eskertti. Baǵyt Talǵar asýyna fýnıkýlermen kóterilýden bastalady. Muzdyqqa qaraı jáne artqa jaıaý júrý baǵyty 5-6 saǵatty quraıdy. Jaıaý júrginshiler bóliginiń uzyndyǵy - 8 km.
Sonymen qatar, Almaty ákimdigi taý qaýipsizdigi taqyryby boıynsha 2021 jyly qosymsha 120 km taý joldaryn abattandyrýdy josparlap otyr. Taýdaǵy týrısterdiń qaýipsizdigin qamtamasyz etý úshin aǵymdaǵy jyly qurylys jumystary josparlanǵan:
Kishi jáne Úlken Almaty shatqalyndaǵy 2 baqylaý-qutqarý pýnkti; Taý marshrýttarynyń shalǵaı toraptyq ýchaskelerinde qaýipsizdiktiń 14 tirek núktesi; «Tuıyq-sý» shatqalynan tikushaq alańy;10 radıorelelik dińgekterdi ornatý (qutqarý otrıadtaryna dabyl berý batyrmalarymen); «Tau Go» smart-navıgator qosymshasyn ázirleý.
Bıylǵy jyly taýly jerlerde arnaıy baqylaý-qutqarý pýnkti qurylyp, onda qutqarýshylardyń táýlik boıy kezekshiligi qamtamasyz etiledi. Taý qutqarýshylarynyń quramy 16 shtattan jasaqtalǵan.