Atyraý oblysynda 11 mektep pen 56 balabaqsha salý josparlanyp otyr, dep habarlaıdy Egemen.kz.
Oblys ákimi Mahambet Dosmuhambetovtiń tóraǵalyǵymen ótken oblystyq máslıhattaǵy «Nur Otan» partııasy depýtattyq fraksııasynyń otyrysynda osy másele talqylandy.
Depýtattyq fraksııasynyń jetekshisi Nurlybek Ojaevtyń málimetinshe, aldaǵy bes jylda óńirde 6 480 oryndyq 11 mekteptiń, 12 850 orynǵa eseptelgen 56 balabaqsha men 610 orny bar 6 jataqhananyń qurylysy júrgiziledi.
Sondaı-aq, 22 sport kesheni boı kóteredi. Bul turǵyndardy buqaralyq sporttyń ınfraqurylymymen qamtýdy 38 paıyzǵa jetkizbek. Buǵan qosa 10 medısınalyq nysannyń qurylysyn júrgizý josparǵa engizilipti.