Mańǵystaý aýdany Shetpe aýylyndaǵy Serikbol Qondybaı memorıaldyq mýzeıinde ǵalymnyń eńbekteri jelisi boıynsha eki birdeı kitaptyń tusaýkeseri ótti. Olar - 2019 jyly Nur-Sultan qalasynda ótken «Serikbol Qondybaı muralaryndaǵy arǵyqazaq mıfologııasy men Uly dala órkenıeti» jáne «Serikbol Qondybaı zertteýleriniń ǵylymı-tanymdyq tujyrymdamasy». Sharaǵa kitap avtorlary, serikboltanýshylar men ólketanýshylar qatysty.
Aıta keteıik, Serikbol Qondybaı - geograf, ólketanýshy, tarıhshy jáne tuńǵysh mıfolog. «Mańǵystaý geografııasy», «Gıperboreıa tús kórgen zaman shejiresi», «Esen qazaq», «Qazaq dalasy jáne german táńirleri», «Arǵyqazaq mıfologııasy» atty eńbekterdiń avtory. Ol - Qazaqstanda mıftik lıngvıstıkalyq mekteptiń negizin salýshylardyń biri. Ol osy jolda mıftik derekter men mıfologııalyq nyshan-sımvoldardy júıeleýdiń ádistemesin jáne ádisnamasyn qalyptastyrdy. Jaryq kórgen kitaptar ǵylymı kópshilikke, oqyrman qaýymǵa jáne magıstranttarǵa arnalǵan oqýlyq bolmaq.