Elordada Iýnýs Emre atyndaǵy túrik mádenıet ortalyǵy qos baýyrlas el Qazaqstan men Túrkııa arasyndaǵy mádenı qarym-qatynasty nyǵaıtý maqsatynda aqysyz túrikshe kýrs ashyp, sol arqyly Túrkııaǵa saparlaýǵa múmkindik berip otyr, dep jazady Egemen.kz
Osy jyly Iýnýs Emreniń ómirden ozǵanyna 700 jyl tolýyna baılanysty IýNESKO tarapynan uly aqyndy eske alý jyly dep bekitilgen bolatyn. Álem jurtshylyǵy túrik tili men mádenıetine ólsheýsiz úles qosqan Iýnýs Emreni eske ala otyryp, ártúrli sharalarda onyń shyǵarmalarymen jaqynnan tanysady.
Osyǵan baılanysty 30 qańtarda Túrkııa Respýblıkasynyń Prezıdenti Rejep Taııp Erdoǵan 2021 jyldy «Iýnýs Emre jáne túrik tili jyly» retinde atap ótý týraly jarlyqqa qol qoıdy.
Sondaı-aq, 2021 jyly baýyrlas el Qazaqstannyń Táýelsizdigine 30 jyl tolady. Osy úsh ataýly oqıǵaǵa oraı, Iýnýs Emre túrik mádenıet ortalyǵy onlaın formatta aqysyz túrikshe kýrs ashyp, 30 Qazaqstan azamatyna Túrkııaǵa saparlaýǵa múmkindik beredi.
Tirkelý 28 aqpanda aıaqtalatyn onlaın kýrsqa Kazaqstannyń kel kelgen aımaǵynan jasy 18-ge tolǵan Qazaqstan azamattary qatysa alady. Sondaı-aq til kýrsyea kez kelgen deńgeıde túrikshe biletin Qazaqstan azamattarynyń da qatysýyna múmkindik bar. Jalpy kólemi 72 saǵattan turatyn kýrsqa tirkelgenderge naýryzdyń alǵashqy aptasynda elektrondy poshtalaryna deńgeı anyqtaý emtıhanyna qatysý týraly habarlama keledi. Kýrs maýsym aıynda aıaqtalady.
Aıta keteıik, syılyq retinde beriletin 30 bılet Túrkııaǵa ushatyn halyqaralyq baǵyttaǵy, ıaǵnı Almaty nemese Nur-Sultannan ushatyn avıareısterge tıesili.
Kýrsqa qatysý jáne syılyqqa ıe bolý sharttary týraly Iýnýs Emre túrik mádenıet ortalyǵynyń áleýmettik jeli paraqshalarynan (feısbýk, ınstagram jáne tvıter @YEENursultan ) tolyq túrde málimet alýǵa bolady. Telefon: 87775339130