Memleket basshysy Ulttyq qoǵamdyq senim keńesiniń músheleri Rahym Oshaqbaevpen jáne Qanat Saharııanovpen kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.
«Talap» qoldanbaly zertteýler ortalyǵynyń dırektory Rahym Oshaqbaev Prezıdentke ózi basqaryp otyrǵan ortalyqtyń jumysy týraly aıtty, sondaı-aq, otandyq analıtıkalyq ortalyqtardy damytý jónindegi usynystaryn ortaǵa saldy.
Budan bólek Memleket basshysyna jahandyq kompanııalarmen aradaǵy yntymaqtastyqtyń negizinde ınvestısııa tartý joldaryn, sondaı-aq, aqsha-kredıt saıasatyn jetildirýge baǵyttalǵan usynystar tanystyryldy.
Atameken Business telearnasynyń bas dırektory Qanat Saharııanovpen áńgimelesý barysynda qazaqstandyq buqaralyq aqparat quraldarynyń básekege qabilettiligin nyǵaıtý, aqparattyq saıasat salasyn retteıtin zańnamany damytý máseleleri qarastyryldy. Qasym-Jomart Toqaev memlekettiń otandyq mass-medıaǵa qoldaý kórsete beretinine toqtalyp, kontent sapasyn arttyrý jáne qazaqtildi BAQ-tyń básekege qabilettiligin kúsheıtý qajettigin aıtty.