Qazaq televızııasynyń qarlyǵashy

Ádemi únimen, kelisti kel­betimen kórermen kóńiliniń kók­jıeginen kóringen ol qazaq teledıdaryndaǵy tuń­ǵysh dıktor retinde tarıhta qaldy. Búginde televızııa sala­synyń úlken-kishisi Zul­qııa Muqanqyzyn «qazaq dıktor­larynyń anasy» retinde tanıdy. Almaty telestýdııasy alǵash ashylǵan 1958 jyly 750 úmitkerdiń ishinen sýyrylyp shyǵyp, qazaq tilinde habar taratqan talapty jas jemisti jyldaryn kórermenine arnady.

Kórmege dıktordyń ómir beles­terinen syr shertetin tarıhı fotosýretter, arhıvtik qu­jat­tarmen qatar, Z.Jumatova ja­ıynda túsirilgen habarlar men jazylǵan materıaldar toptastyrylǵan. Ási­rese, týǵan kún ıesiniń áıgili dık­­torlar Iýrıı Levıtan, Nellı An­dreevamen birge tús­ken es­telik sýretteri kór­me qabyr­ǵasynan erekshe oryn alǵan. Is-sharanyń ashylý saltanatyna zııaly qaýym ókilderimen birge Zulqııa Muqanqyzynyń ózi de keldi. Kóńili altyn san­­­dyqtaı abyz ana ótken kún­­derdiń áserli este­ligimen  bólisti.

– Bizdiń kezeńmen búgingi kúndi salystyrýǵa kelmeıdi. Efır­de bizdi aýystyratyn adam bolǵan joq. Aıtarymyzdy bir paraq qaǵazǵa jazyp alyp shy­ǵatyn edik. О́zimizdi ekrannan kóre de almaıtynbyz, barlyq habarlar tikeleı efırde óte­tin. Jumysymyzǵa asqan ja­ýap­kershilikpen qaradyq. Sol qıyn kezeńderde júrip ysyl­dyq. Televızııa – shyǵar­ma­shy­lyq toptyń eńbegin qa­jet ete­tin ujymdyq jumys. Tereń izdenister jasadyq, kóp eń­bek­ten­dik. Muhtar Áýezov sııaq­ty zańǵar tulǵalardan suh­bat alý baqyty buıyrdy. Ol kisi­­men dı­darlasqanym áli esim­de. Ha­bar aıaqtalǵannan keıin Muhań «Asylkesh» dep meniń qolym­nan súıdi. «Asy­lyńyz­dy túsindim, kesh dege­­nińizdi túsin­bedim», dep Muhańa qara­dym. Ol kisi bolsa jaıdary únmen: «Asylkesh degenim, asyl jan degen sóz. Sender asyl jan­syń­dar» dep kúlimsireı qa­rady. Biz­diń qazaqshany qaı­maqtap sóı­legenimizge, qazaq­sha habarlar ashylǵanyna jazý­shynyń qatty qýanǵanyn baı­qadym. Ol kún­der­diń bar­lyǵy meniń kóz aldymda áli kúnge deıin dál búgingideı jań­­­ǵyryp tur, – deıdi Zulqııa Ju­matova.

ALMATY