Sankt-Peterbor qalasynda qazaqtyń uly aqyny Jambyl Jabaevtyń eskertkishine gúl shoqtaryn qoıý saltanatty rásimi ótti.
Qazaqstannyń Reseıdegi Elshiliginiń baspasóz qyzmetiniń habarlaýynsha, bul shara Jambyldyń 175 jyldyǵy, sondaı-aq Qazaqstan Respýblıkasy Táýelsizdiginiń 30 jyldyǵyna qarsy oraılastyrylǵan.
Rásimge Bas konsýldyq qyzmetkerlerimen qatar TMD Parlamentaralyq Assambleıasynyń ókilderi, Sankt-Peterbor qalasy jáne Lenıngrad oblysynyń ákimshiligi, qazaq dıasporasynyń belsendileri, qazaqstandyq stýdentter, peterborlyqtar jáne qala qonaqtary qatysty.
Qatysýshylar ótkizilip otyrǵan is-sharanyń ekijaqty mádenı yntymaqtastyqty keńeıtý jáne nyǵaıtýdaǵy mańyzdylyǵyn atap ótti. Shara barysynda Jambyldyń qorshaýdaǵy Lenıngrad turǵyndary úshin asa jaqyn bolǵan «Lenıgradtyq órenim» shyǵarmasy oryndaldy.
Eske sala ketsek, Sankt-Peterbordyń Ortalyq aýdanynda Jambyl Jabaevtyń eskertkishi 2003 jyly Qazaqstannyń qalanyń 300 jyldyǵyna syılyq retinde ornatylǵan.