Bolgarııanyń astanasy Sofııada ótip jatqan mánerlep syrǵanaýdan Sofia Trophy 2021 halyqaralyq týrnıriniń alǵashqy kúninde qazaqstandyq sportshylar eki qola júlde jeńip aldy.
Alǵashqy qola júldeni el qorjynyna jýyrda ǵana Qazaqstan kýbogynda top jarǵan Marııa Grechanaıa saldy. Jasóspirimder arasyndaǵy básekede synǵa túsken jerlesimiz eki baǵdarlama qorytyndysy boıynsha 144,08 upaı jınap, tuǵyrdyń úshinshi satysyna kóterildi. Birinshi oryndy belgııalyq Nına Pınzarone, ekinshi oryndy shveısarııalyq Kımmı Repond ıelendi.
Ekinshi qola júldeni Qazaqstan kýbogynyń taǵy bir jeńimpazy 16 jastaǵy almatylyq Mıhaıl Shaıdarov jeńip aldy. Áıgili Olımpıada chempıony Alekseı Ýrmanovtyń qolastynda jattyǵatyn Shaıdarov eki baǵdarlama qorytyndysy boıynsha 191,65 upaı jınady. Bul synda bolgarııalyq Larrı Loýpolover jarys jeńimpazy atansa, Devıd Leýtenbraın ekinshi orynnan kórindi.