Oblystaǵy jasotandyqtardyń qatarlary bıyl 2260 belsendi jaspen tolyqty. Búginde oblystyq bólimshede 92 bastaýysh uıym jumys jasaıdy. Bulardyń qatarynda stýdentter, aýyl jastary, óz isin jańa bastaǵan jas kásipkerler, kolledj oqýshylary, jumysshy jastar bar. Barlyǵy 10 myńǵa jýyq jasotandyq belsendi jigerli kúshke aınaldy.
Oblystaǵy jasotandyqtardyń qatarlary bıyl 2260 belsendi jaspen tolyqty. Búginde oblystyq bólimshede 92 bastaýysh uıym jumys jasaıdy. Bulardyń qatarynda stýdentter, aýyl jastary, óz isin jańa bastaǵan jas kásipkerler, kolledj oqýshylary, jumysshy jastar bar. Barlyǵy 10 myńǵa jýyq jasotandyq belsendi jigerli kúshke aınaldy.
Olar jastarǵa salamatty ómir saltyn nasıhattap, sportpen shuǵyldanýǵa, sybaılas jemqorlyqqa kóz juma qaramaýǵa shaqyrady. Soǵys ardagerleri men tyl eńbekkerlerine, jalǵyzbasty zeınetkerlerge kómek kórsetedi. Jasotandyqtar oblys ortalyǵyndaǵy múgedek balalarǵa arnalǵan «Samal» ońaltý ortalyǵy men qarttar úıine qamqorlyq jasaıdy. Sonymen qatar, «Qamqorlyq» eriktiler jasaqtary men polısııanyń qoǵamdyq kómekshileri qatarynda jumys atqarady. Bul kúnderi óńirde «Dıplommen – aýylǵa!», «Jastar tájirıbesi», «Jasyl el» baǵdarlamalary júzege asyrylyp keledi.
«Jas Otan» jastar qanatynyń basty mindeti – jastar kásipkerligin qoldaý. Mysaly, bıyl Astanada ótken «Atameken Startup» bıznes-ıdeıalar baıqaýyna 200-den astam jas qatysty. Jáne de «Bıznestiń jol kartasy-2020» baǵdarlamasy boıynsha iske asyrylyp jatqan 453 jobanyń ishindegi 45 bıznes-ıdeıany jastar atqarý ústinde. Esik qaǵyp turǵan jylqy jyly jasotandyqtar «Sátti qadam» jobasy boıynsha kásiporyndarǵa, «Jastar – aýylǵa!» atty joba boıynsha aýyl jastarynyń ortasyna barady.
Farıda BYQAI,
«Egemen Qazaqstan».
Pavlodar oblysy.