2013 jylǵy 20 jeltoqsan Astana, Úkimet Úıi
«Tujyrymdama, doktrına ázirleý erejesin bekitý týraly» Qazaqstan Respýblıkasy Úkimetiniń 2010 jylǵy 14 sáýirdegi № 305 qaýlysyna ózgerister engizý týraly
2013 jylǵy 20 jeltoqsan Astana, Úkimet Úıi
«Tujyrymdama, doktrına ázirleý erejesin bekitý týraly» Qazaqstan Respýblıkasy Úkimetiniń 2010 jylǵy 14 sáýirdegi № 305 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Tujyrymdama, doktrına ázirleý erejesin bekitý týraly» Qazaqstan Respýblıkasy Úkimetiniń 2010 jylǵy 14 sáýirdegi № 305 qaýlysyna (Qazaqstan Respýblıkasynyń PÚAJ-y, 2010 j., № 30, 227-kujat) mynadaı ózgerister engizilsin:
kórsetilgen qaýlymen bekitilgen Tujyrymdama, doktrına ázirleý erejesinde:
10-tarmaq mynadaı redaksııada jazylsyn:
«10. Tujyrymdama aǵymdaǵy ahýaldy taldaýdy, aıany, salany (salalardy) damytýdyń úrdisteri men paıymyn qamtıdy; aıany, salany (salalardy) damytýdyń negizgi qaǵıdattary men jalpy tásilderin ashyp kórsetedi; olar arqyly tujyrymdamany iske asyrý boljanyp otyrǵan normatıvtik quqyqtyq aktilerdiń tizbesin kózdeıdi.
Tujyrymdamada túıindi problemalar bólip kórsetiledi, osy tujyrymdamanyń qajettiginiń negizdemesi keltiriledi, tujyrymdamanyń maqsattary, mindetteri, oryndalý kezeńi jáne tujyrymdamany iske asyrýdan kútiletin nátıjeler aıqyndalady.
Tujyrymdamanyń maqsattary túıindi problemalardy sheshý qajettiginen qalyptastyrylady jáne soǵan negizdeledi, aıany, salany (salalardy) damytý paıymyn kórsetedi jáne oń nátıjege baǵyttalýy tıis.
Mindetter belgilengen maqsattarǵa qol jetkizýdiń joldaryn aıqyndaıdy.
Tujyrymdamany iske asyrý kezeńi onyń maqsattary men mindetterine qol jetkizýdiń boljamdy merzimin sıpattaıdy.
Kútiletin nátıjeler tujyrymdamany iske asyrý nátıjesine qol jetkizilýi tıis oń ózgeristerdi sıpattaıdy, sondaı-aq sapaly ózgerýine yqpal etýi tıis ındıkatorlardy aıqyndaıdy.
Kútiletin nátıjeler baqylanatyn jáne tekseriletin, sany men sapalyq jaǵynan ólshenetin, absolıýtti jáne/nemese salystyrmaly shamalarda kórsetilýi tıis.
Tujyrymdamada qoldanylǵan termınder men anyqtamalardy naqtylaý qajet bolǵan kezde, olardyń maǵynasyn túsindiretin kishi bólim kózdelýi múmkin.
Bolǵan jaǵdaıda, tujyrymdamada Qazaqstan Respýblıkasynyń jaǵdaıyna beıimdelýi múmkin uqsas máselelerdi sheshý jónindegi álemdik praktıkanyń oń tájirıbesine sholý keltiriledi.
Tujyrymdamada aıany, salany (salalardy) damytýdyń jalpy tásilderi, negizgi qaǵıdattary men tetikteri kórsetiledi.
Tásilder belgilengen mindetterdi sheshýdiń neǵurlym tıimdi amaldary men ádisterin aıqyndaıdy.
Olar arqyly tujyrymdamany iske asyrý boljanyp otyrǵan memlekettik jáne salalyq baǵdarlamalar, aýmaqtardy damytý baǵdarlamalary, memlekettik organdardyń strategııalyq josparlary, zańdar iske asyrý quraldary bolady.
Tujyrymdamada olardy oryndaýdyń boljamdy merzimderi kórsetile otyryp, sol arqyly tujyrymdamanyń maqsattaryna qol jetkizý jáne mindetterin sheshý boljanatyn qoldanystaǵy jáne sol sııaqty ázirlenýi josparlanyp otyrǵan strategııalyq jáne baǵdarlamalyq qujattardyń, memlekettik organdardyń strategııalyq josparlary men Qazaqstan Respýblıkasy zańdarynyń tizbesi keltiriledi. Bul rette árbir mindettiń sheshilýi, tujyrymdamanyń árbir kútiletin nátıjesine qol jetkizý qandaı qujat arqyly qamtamasyz etiletini kórsetilýi tıis»;
11,12 jáne 13-tarmaqtar alynyp tastalsyn.
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.