Jyl basynan beri Aqtóbede 13 bala jol apatynan jaraqat aldy, dep habarlaıdy Egemen.kz Polisia.kz saıtyna silteme jasap.
Avtokólik salonyndaǵy balanyń ómiri tolyǵymen júrgizýshige baılanysty. О́kinishke oraı, ata-analardyń qarapaıym qaýipsizdik sharalaryn elemeýi ózi úshin ǵana emes, bala úshin de óte qaıǵyly aıaqtalýy múmkin. Mysaly, 1 naýryzda Aqtóbede marshrýttyq avtobýs pen jeńil avtokóliktiń qatysýymen JKO oryn aldy, onda “Deý-Neksııa” avtokóliginiń salonyndaǵy eki bala zardap shekti.
Avtokólikpen saparǵa shyǵarda, balany balalar kreslosyna otyrǵyzyńyz, balalar oǵan tez úırenedi jáne basqa orynǵa otyrmaıtyn bolady. Sonymen qatar, qaýipsizdik beldigin ózińiz bekitińiz, óıtkeni bul balaǵa jaqsy úlgi bolady.
– Balalardy erte jastan bastap jol erejelerin saqtaýǵa úıretińiz. Jeke mysal oqytýdyń eń túsinikti túri ekenin umytpańyz. Esińizde bolsyn! Bala sizden, ata-anadan jáne basqa eresekterden úlgi alyp, “jol zańdaryn” úırenedi. Sizdiń mysalyńyz tek sizdiń balańyzǵa ǵana emes, sonymen qatar basqa balalarǵa da kóshede tártipti bolýǵa úıretsin, – dep túıindedi Aqtóbe oblysy PD bastyǵy Atyǵaı Arystanov.
Jyl basynan beri Aqtóbe oblysynyń aýmaǵynda balalardyń qatysýymen 11 jol-kólik oqıǵasy oryn alyp, 13 bala túrli dene jaraqatyn aldy.