Búgin Almaty qalasynda «Asyl Tas Holding» kompanııasy jańa otandyq ónimdi kópshilikke tanystyrdy, dep habarlaıdy Egemen.kz
«Asyl Tas Holding» kompanııasy kádimgi maıly qurtty naryqqa shyǵardy. Ásirese, mundaı ónimder balalar úshin naǵyz dárýmen.
«Bulaı shyǵarýdaǵy birinshi maqsat – balalardy qyzyqtyrý. Dúkenge barsaq, táttilerdiń bárine hımııalyq qospa qosylady. О́kinishke qaraı, onyń ornyna balama joq. Mine, biz osy ónim arqyly sol táttilerdiń ornyn bassaq deımiz. Ekinshi, taıaqshamen úlken adamdar jese de, yńǵaıly. Ata-babamyzdyń ulttyq dámin jańa zamanǵa saı jańǵyrtyp, kreatıvti formatta oılap shyǵardyq» deıdi óndirýshi top ókili.Qurt eki túrli qorapta shyǵady. Bireýiniń syrtynda «asyl tasymyzdyń» qasıeti jaıynda úsh tilde aqparat bar. Abaıdyń «Jetinshi qarasózi» de úsh tilde jazylǵan.
«Asharshylyq, zulmat jyldarynda halyqqa talǵajaý bolǵan taǵamnyń qadirin jete túsinip júrmiz be? Búginde naryqta qurttyń túr-túri bar. Talǵamǵa, dámine qarap tańdaı ber. Biraq naǵyz tabıǵı dámi bar qurtty ańsaısyz ba? О́z basym shetelge «mynaý qazaqtyń dámi» dep qurt aparǵym keledi. Osy rette seriktesterimmen birigip, «Asyl Tas Holding» óndiris kompanııasyn ashýdy jón kórdik. «Asyl Tas Holding» tabıǵı taza, eshbir qospasyz, sertıfıkattalǵan, patenttelgen ári formasy eresekterdi de, balalardy da qyzyqtyratyn jańa qurt túrin usynady. Sonymen qatar, shetelge shyqqanda qazaq halqynyń atynan bazarlyq retinde usynatyn qurt túrin shyǵardyq. Munda hákim Abaıdyń adamzatqa qatysty aıtqan qara sózi, qurttyń qazaq tarıhyndaǵy mańyzy da jazylǵan. Sheteldik dostaryńyz, áriptes, seriktester qazaqtyń dámin tatyp, tarıhymen osylaısha tanysa alady. Ulttyq ónimdi qaıta jańǵyrtyp, ulttyq brendti nasıhattaý – árbirimizdiń qolymyzda. Qurt – bizdiń asyl tasymyz. Ulttyq ónim sheteldik ónimnen kem túspeıtinin dáleldeıik!», – deıdi belgili akter Rahman Omar.Otandyq ónimniń tusaýkeserinde sóz alǵan belgili akter Dosqan Joljaqsynov: «Qazaq jaýgershilik zamanda malta soryp, ash ózegin áldendirgen. Ári tamaq, ári shóldi basatyn bul ónim talaıdy ashtan da alyp qaldy. Endi ony óz ónimimiz retinde shyǵarý úlken eńbek. Sondyqtan qurtty «asyl tas» dep ataý beker emes», dep aıtty.