6 naýryzda Italııayń Toskana aımaǵynda «Strade Bıanke» dep atalatyn dástúrli jarys ótedi. Bul básekede qazaqstandyq «Astana» klýby da óner kórsetedi, dep habarlaıdy Egemen.kz
UCI-diń álemdik týry sanatyna jatatyn aıtýly dodanyń tusaýy 2007 jyly kesildi. Sol kezden beri 14 márte jalaýy jebirgen jarysta Qazaqstannyń da ókili top jarǵan. Ol – Maksım Iglınskıı. Nur-Sultannyń týmasy 2010 jyl ótken saıysta aldyna jan salmaı, bas júldeni oljalasa, 2012 jylǵy básekede ekinshi oryndy ıelendi.
Maksım Iglınskııden bólek, «Strade Bıankede» myndy veloshabandozdar top jardy: ıtalııalyq Fabıan Kanchellara (úsh ret) men Moreno Mozer, reseılik Aleksandr Kolobnev, shvesııalyq Tomas Lefkvıst, belgııalyq Fılıpp Jılber pen Tısh Benot, polshalyq Mıhal Kıatkovskıı (eki ret), chehııalyq Zdenek Shtybar jáne fransııalyq Jıýlıan Alafılıpp. Byltyrǵy jyly ótken jarysta Belgııanyń saıypqyrany Vaýt Van Art bas júldeni qanjyǵasyna baılady.
Taıaý kúnderi ótetin «Strade Bıanke» dodasynda «Astananyń» sapynda Aleks Aranbýrý, Manýele Boaro, Ionas Gregard, Fabıo Felıne, Iаkob Fýlsang, Ýgo Ýl jáne Gorka Isagırre syndy veloshabandozdar óner kórsetedi.